Vèsè popilè nan Bib la ki soti nan Marikus 13

Pataje

Guru ntani sua ki zini ku sobon eni, sede nsude sakisi ni sori ari karishe yaa samu sila.

ku kone kiya ku, ku zunwa ni shiri! sobon ku shina nana ko kwanki de yaa zo ba.

Nde su te zo nku a geba shiriya, kede e dama ku a kiya mbode kwa pala. ku pala mbode su ba ku a kwanki ni, sobon oku na kwa yi beta ba, sede Aworo Nsuseki.

Bisi nja kisi yaa bise, sede kelima na yaa taba bise ba.

Sede nseda shina nana ko woni kwanki na yaa zo ba, ko meleku ni bisi, ko Yaa, sede adaa ndandaa yi kin.

Nde ku zi sua yi yanki nja nabari yanki, kede dishiya ku e dege, dole na mbo mu sua paru, sede karishe tuku zowo ba.

Nkayomu ku sigeba ni kone sobon ku shina nana de nsugizi aku yaa kuma mbayi ko nyema, ko nsisika ndederi, ko de zakala yaa yi kala, ko mbaki sasape. Nde e te zo dandani, kede e san ku ma yi kwana. Mbode Ni ma pala gye ku, Ni pala gye konwawa la: <Ku zunwa ni kpanku>>>

Kesa daa yaa yi geba ni kesa daa, solota daa yaa yi geba ni solota daa. Sua yi totolo zizika kesa anya nyowa, sua yi totolo nunwa. Nsu mu ma kankye pari ni Genbeki yapu yaa la.

Sede dole nabari kyakyawu ni solota gizi bisi sua pala nabari yi a konaga a guru durinya.

Ntani nyowa sua zo a siki seni na, sua nkye, <Eni na ni ma Yesu sua shishirigye ntani nyowa.

<<Sede ku kpanku nkiya ku. Sobon sua la ku beyi ba salaki de su dukwa ku a kolonwa. sobon e ni sua te nku a geba ni nsu gomuna nja nsu seleki de ku sakisi beyi sheeda ni nabari kyakyawu mu a geba su.

Sobon Kiristi ni yaruwa nja anebi ni yaruwa sua butu, sua nana alama nja yi anki mamanki de su shishirigye worede su zabi su nde yaa yi yaa ma yomu.

<<Sede a nana ni, a beyi Genbeki mu. <<<Nana yaa yi dopuwa, wonta yaa beyi asikye yi ba; kemu yaa puari dege bisi, sua kuma zizika yiko ni bisi.