Vèsè popilè nan Bib la ki soti nan Marko 13

Pataje

Wánì bbalè rà nyì ndrò màtsá lò dhò. Chú ì rà dèy ngbiy-kpiy pbǔw tsòmà tdówdha ò nì bbalè, rà pa.

Nyì pbo nyì ró ndèymí nyì déy nyì kotsò djú, ddiydhò nyì tsì nzá ŋǎngí mí sâ rà shì ddiy.

Ya ka chèy nyì ndèymí ka mba nyì lò-tdèydha-djá nyú djò ro, nzǐ nyì ónga tdǒ cha nyì nì rǎ tdrà nì lò dhò. Ya mí nga rà shì ro, tdra cha ndèy bbu ndèy nyì dhò nì lò. Nyì rà tèy nì lò rà tdè ngǎ nyì dhî, ndrǔ rà shì Bblǒ Thíy dèddù.

Rakpa ndèymí dziylíy nà rà dà gu, chú màtsá lò rà dà nzǐ.

“Li rò nì ngǎ cha ndèy tsì, mí ddu ǐngí mí sâ í ddiy rà ndèy njèy mî, yakpe à tdě rakpa ó malayika-kpà, ǐngí Ddùwnì ndèyníddù. Djǎnì chúddì tsì ndèy.

Nyì rà chow nì la ɦuwdjò rr̀ ndèymí ndì nì la mí lò-ɦéy ɦuwdjò rr̀. Chú nzǐ nyì thíy kǒw. Fǔchú ní ddiy kà à njěy ndèy, chú nga tsò tdówdha rà tdè děy.

“Fú ddiy dhò, nyì déy nyì nyú nà, ddiydhò nyì tsì nzá dza-dja rà ngu ŋǎngí ddiy. À dho dey ngítss̀ nga nà ǐngí kúw chir nà ǐngí bbǔtss̀ tey nà ǐngí bbǔbbú nga nà. Ya à shì chǔw, à kà nzá à chuw nyì ddù. Nyì dhò ma tdra nì ddiy, ma nì tdrǎ bbalè wánì dhò, ‘Nyì déy nyì nyú nà.’ ”

Pbúw rà tsa njàddí pbúw ró, ddì nì pey-mí-nga rà tsa njàddí pey-mí-nga ró. Chìy-chìy rà nga ja ngéy-ngéy ní dziylíy òluw wá ndèymí ddrǒngó ní ɦùw rà dey ney. Fúnì rà dey gbè gôw mí ndéy tsò ngà ndèy níchú.

Chú, děy nzá nga tsò tdówdha shì ní, à kà ka tdrǎ Hwî mí Lò-ɦéy wánì bbalè dhò.

Bíy ní bbalè rà shì ma ró dho ó, ndrǔ rà tdrà, ‘Ma nì Masiya.’ Ndèymí ndrǔ rà bíy ní bbalè nyú tsà.

“Nyì déy nyì nyú nà nyìníddù. Ka rà nyì lòw ndèymí nyì mbà lò-tdèydha-djá nyú djò. Ka rà nyì dhèy shí nà, Yahuddi-ddúw dhí njuwdha-dzà ó, nyì rà dèy li-djùkpa ddàdha-djá nyú djú ndèymí pey-ddúw nà màtsá lò dhò, Hwî mí Lò-ɦéy tdràdha nà ndrǔ dhò.

Mbwa mí Masiya ndèymí mbwa mí nabi-kpà, rà ì dhò. Ndrǔ rà ɦiy ndèymí wá li ónga ꞌwiy dho mà nì ddiy kpà njèy, ndaní ì tsǎ ndanà Ddrǎ-ngá vúdha ní bbalè nyú, ya à dho ndèy pà ney ro.

“Fú nzadha mí ddu dzzdjú, “ ‘itsś rà ngu kúw, ndèymí bǐy rà ka nzǐ, lùlú-kpà rà chèy rakpa chuw-téy ddù, ndèymí rakpa chuw-téy klôw nà nì ddiy rà ì jà.’