Vèsè popilè nan Bib la ki soti nan သျှင်လုကာ 13

Pataje

“သင်ရို့က ကျဉ်းနီရေတန်းခါးပေါက်နန့်တူရေ ဘုရားသျှင်သာသနာတော်ထဲကို ဝင်နိုင်ဖို့ ကြိုးစားကတ်ပါ။ သင်ရို့ကို ငါ ပြောမေ။ လူတိအများကြီးက ယင်းတန်းခါးပေါက်မှ ဝင်နိုင်ဖို့ ကြိုးစားကေလည်း သူရို့က မဝင်နိုင်ကတ်ပါ။

ယင်းနီရာမာ တစ်ဆယ့်သျှစ်နှစ်ကြာအောင် မကောင်းဆိုးဝါးကိုင်ထားလို့ မကျိုင်းမမာဖြစ်နီရေ မမာ့တစ်ယောက်ဟိနီရေ။ သူမက ခါးကုန်းဗျာလ် တတည့်မရပ်နိုင်ပါ။ ကိုယ်တော်က ယင်းမမာ့ကိုမြင်ရေခါ သူမကိုခေါ်ဗျာလ် “ကလွေမယ်၊ သင်က အဂု မကျိုင်းမာစွာကနီ လွတ်မြောက်ဗျာလ်” လို့ မိန့်တော်မူလီရေ။

ယေပြီးကေ ကိုယ်တော်က လက်ကို သူမဘားမာ တင်လိုက်ရေခါ ချက်ချင်းပင် သူမ၏ခါးစွာ တတည့်ဆန့်နိုင်ဗျာလ် ဘုရားသျှင်၏ဂုဏ်တော်ကို ချီးမွမ်းပူဇော်လီရေ။

အဂု လူတိအတွက် အရီးမပါသူတိက ဘုရားသျှင်အတွက် ကောင်းကောင်းအရီးပါသူတိဖြစ်လာဗျာလ် အဂု လူတိအတွက် အရီးပါသူတိက ဘုရားသျှင်အတွက် အရီးမပါသူတိ ဖြစ်ကတ်လိမ့်မေ” လို့ မိန့်တော်မူလီရေ။

အိမ်သျှင်က ထလာပနာ တန်းခါးပိတ်လိုက်ကေ သင်ရို့က အပြင်မာ ရပ်ဗျာလ် တန်းခါးကို ခေါက်ပနာ ‘ဆရာ၊ တန်းခါးဖွင့်ပီးပါ’ လို့ ပြောရလိမ့်မေ။ ယေကေလည်း အိမ်သျှင်က ‘သင်ရို့ ဇာကလာစွာကို ငါမသိ’ လို့ ပြန်လို့ပြောလိမ့်မေ။

ယင်းပိုင် မဟုတ်ပါ။ သင်ရို့ကို ငါ ပြောချင်စွာက သင်ရို့အားလုံးကလည်း သင်ရို့၏အပြစ်ဒုစရိုက်တိကနီ နောင်တသံဝေဂ မရကေ ယင်းပိုင် သီရပါလိမ့်မေ” လို့ မိန့်တော်မူရေ။

ယေခါ သူက ‘သင်ရို့ ဇာအရပ်ကလာမှန်း ငါမသိ။ အဆိုးအရွားတိ၊ ငါ့ဘားက လားလီကတ်’ လို့ ပြောလိမ့်မေ။

ယေပြီးကေ ကိုယ်တော်က “ဘုရားသျှင်၏သာသနာတော်က ဇာအရာနန့်တူလဲ။ ယင်းအရာကို ငါ ဇာချင့်နန့်နှိုင်းပြရဖို့လဲ။ ယင်းချင့်က မုန်ညှင်းစိနန့်တူရေ။ လူတစ်ယောက်က အစိကိုယူပနာ မိမိဥယျာဉ်မာစိုက်ပါရေ။ ယင်းအစိက အပင်ကြီးဖြစ်လာဗျာလ် ငှက်တိကလည်း အကိုင်းအခက်တိမာ အသိုက်တည်လို့နီကတ်ပါရေ” လို့ မိန့်တော်မူရေ။