Vèsè popilè nan Bib la ki soti nan လုကာ 13

Pataje

"နောင်နီဟော့ အစိုက်ဟော့ဒိုင်ဆွတ်ဝိုအတူဝို အတူငဟော့ဘုရားရှင်သတနာတော်ဒိတ်ကာ အဝေါင်းဝဲငဟော့ကြိုးစားဘွေတွက်။ နောင်နိဝါကေ့အမှန်တိုင်းကဟောက်ဝဲ အများငဟော့ချောင်ငဲ့လော့ ဟောနီဒိုင်ဆွတ်ဝို အဝေါင်းဝဲငဟောကြိုးစားလော့ဟော့ ဝေါင်းခုဝအွမ်" ဆိတ်က။

ဟောနီနေရာဝါ ကွန်းဟာလက်ရှက်ကြာ ပွယ်ဟားဟော့ခွက်ရိုင်လော့ အပြုစားအခွန်းအွမ်လာ့ငဟော့ နှတိုးနူးပေန်းနောတ်အဟော့။ ယလော့အလှိမ်းအုပ်တဲ့မတ်မတ်လော့ရားခုဝ။ ကိုယ်တော်လော့ အနီတိုးနူးဟော့ အခွန်းပိစလော့ နိနှတိုးဟော့ဘိတ်အိက်လော့ "နောင်းငဟောတိုဝါစထုလော့ အပြုစားခေါင်းလငဟော့ တူဝါနလှို့ဟီ" သိမ်အမိန့်တော်တို့။

နီပေါင်ပိ ကိုယ်တော်လော့ယအကွက်တို နိနှတိုးနူး အတောင်ပိစလော့ ချက်ချင်းပ နိနှတိုးနူးဟော့ အလှိမ်းအရမ်းဘော်ခုလော့တဲ့ ယားလော့တဲ့ဘုရားရှင်ဟော့ ဂုဏ်ကျေးဇူးဟော့ချီးမွမ်းတို့။

အနီအချိန်ငါ တိုဝါချောင်ငဲ့တောက်အရေးကြီးငှားဟော့ချောင်ငဟော့ ဘုရားရှင်တောက်အရေးပိုဟော့ချောင်ဖြစ်လော့တဲ့၊ တူဝါချောင်ငဲ့တောက် အရေးပိုဟော့ချောင်ငဟော့ ဘုရားရှင်တောက် အရေးပိုငှားဟော့ချောင်အဖြစ်ဝဲ့" ယဟော့မှတ်ငလော့သောက်ဘွေ့တို့ သိမ်အဟောက်။

အင်းမို့လော့ထောင်လူးလော့တဲ့ ဒိုက်ဆွတ် အပိတ်ကနို နောင်နိယဟော့ အကြောင်ငါယားအလော့သဲ့ ဒိုင်ဆွတ်ခုတ်လော့တဲ့ 'ဆရာ ဒိုင်ဆွတ်ဟူးဝဲ့သိမ် နောင်နိတောင်းပန်အံလအယ်' သိမ်နောင်နိဟောက်လဝိုင့်။ ဆိတ်လော့ဟောအင်းမိုးလော့ 'နောင်နိဘောင်းငါဟော့ နလူးသိမ် မှတ်တငှူ' သိမ်ပြန်လော့အဟောက်ဘော်ဝိုင်း။

တစ်လောက်ကာဝဆိတ်က။ နောင်နိဝါကေ့ကဟောက်ဝဲ နောင်နိအားလုံးငဟော့ အပပြစ်ဒုစရိုက်ဝါဟော့ နောင်တသံဝေဂလငှားဝါ တစ်လောက်ကာအဖြစ်ဝဲ" သိမ်မိန့်တော်မူလေ။

ဟောနီခွာယလော့ 'နောင်နိ မောင်းဝါဟော့အလူးသိမ်ကေ့ တကယ်မှတ်တငှူ။ ပွယ်ငှားဟော့ ချောင်ငဲ့ ကေ့ငွါဟော့ ဆုဝဲ့' သိမ်အဟောက်ဝဲ။

နိပေါင်ပိစလော့ ကိုယ်တော်လော့ "ဘုရားသာသနာတော်ဟော့ဘောင်းငိုအတူဝိုး၊ ဟောနီအရာငဟော့ ကေ့လော့ဘောင်းငိုကနှိုင်းယှဉ်လာ့ဝိုင်ရိုးနပါ အရဝဟော့ မုန်ညင်းစေ့ရိုအတူ။ ချောင်ပေန်းနောတ်လော့ မုန်ညင်းစေ့လောင်းလော့သဲ့ ယဥယျာဉ်နာအစို့အို့။ ထိုအစေ့ဝါစထုလော့ အရုံးလင်းဖြစ်လူးလော့တဲ့ အာကာငဟော့ဖရိုးဝဲ့ငဟောဟော် အကိုင်းဝဲ့ဝါ အဘူးဝဲ့ဖွဲ့အလော့တဲ့ ယနိအွမ်းတို့" သိမ်အမိန့်တော်မူတို့။