Vèsè popilè nan Bib la ki soti nan Ubwandilo 26

Pataje

Ikala tasi muchisu chinichi, po nkwiza pakuba nawe sona nkwiza pakukusaya. Pakuti nkwiza pakukupa awe sona na baluko lwako ichisu chosi chinichi. Nkwiza pakusunga ichilapo chicho nkalapa kwa ghuso u Abulahamu.

Nkwiza pakukupa abaluko abinji nkani ngati zyo ntondwa, sona nkwiza pakubapa ichisu chosi chinichi. Abantu aba inko zyosi bakwiza pakundaba ukuti imbasaye ukuyana namumo nkabasayila abaluko lwako. Nkwiza pakukusaya pachifukwa ichakuti u Abulahamu akanyivwila, sona akakonka indaghilo na malamulo ghane ghosi.”

Akepapo pabuzilo bula nukukumba sona ichinji. Pachiziba chinichi patakabapo ivyongo, po akachita ukuti, “Ubwabuke.” Akati, “Ilelo u MWENE atupa ubwabuke pakwikala muchisu ichi, umwakuti tukwiza pakuba twe bakabi nkani.”

U MWENE akamubonekela u Yisaki nukumubuzya ukuti, “Utakabukaye ku Ijiputi, loli wikale muchisu chicho nkwiza pakukubuzya ukuti wikalayemo.

Po u Yisaki akazenga ichighemo kulakula nukumwiputa u MWENE. Akazenga ichisakasa chache, kulakula abambombo bache bakakumbako ichiziba.