Vèsè popilè nan Bib la ki soti nan 1 Korɛɛntënyüü 2

Pataje

‑Maa 'i ‑jɩjra nyɔsʋapɔɔkʋ 'lɩ 'kä: Dɛɛlɛ 'nyiö 'nyɩa' 'jä, ɛ 'nyaklu 'nyɩa' 'wli 'nu, ‑bɛ wiili 'nyɩa' nyɔɔa plɛklɩ ji, Nyɔsʋa ‑ëlere 'ia 'fɩɔ nyüülü ‑waa' 'ɔɔn, 'üa ‑gʋ .

‑Maa 'bɔɔwlɔɔnyɔɔ 'nyɩ 'lɩ ‑a bɩa ɔ 'jä diili sɔa' Nysɔsʋaa ‑Susu kälɩ, 'be mlüüpawii 'ɔ 'dara 'iin. 'Ɔnyɩ 'lɩ ‑a bɩa 'ɔmä 'iin 'wli 'nu, 'be Nyɔsʋaa ‑Susua 'doo kälɩ nyɔɔ kä 'ɔmä ‑srörö.

'Nyüna ‑Susu Nyɔsʋa ‑srörö kälɩ 'ɔnya srara amɩ 'iin. Nyɔsʋaa ‑Susu 'jää diia 'fɩɔ, 'u 'jää 'nɩmɩ Nyɔsʋaa ‑sisiewii.

Amɔlɔ nɩ, ‑mää 'pläa 'mlɩa ‑susu 'nyɩ amɩ ‑gälɩ bä, ‑Susulu sɔa' Nyɔsʋaa ‑nyɛɛ 'uu bä amɩ ‑gälɩ, amä diili Nyɔsʋa ‑nyɩa' amɩ 'flɛɛlɩ jre.

'Na 'papawii nyra 'na nyɔsʋaawiili 'n 'paa' ‑bɛ nyüü 'daraa' 'iin wii nɩ, ‑mää nyɔɔa 'lɩgaglakʋ 'nyɩ nʋ; ‑maa 'Nyüna ‑Susu 'u 'pa 'na 'papawii 'klü ‑gälɩ, 'ana nyɔsʋaplɛtorokʋ ‑pɩ nyɔɔa 'lɩgaglakʋ ‑gälɩ pɩara, ‑maa 'ɛmä Nyɔsʋaa 'klü ‑gälɩ pɩara.