Vèsè popilè nan Bib la ki soti nan Pigpan-imo' 4

Pataje

Aw yan oloꞌ ya makapaluwaꞌ kanaten lekat adti pa-emel-emel na Tyumanem, kay walaꞌ ya eped na ngalan na pig-atag adti utaw na makapaluwaꞌ kanaten. Kan Jisus oloꞌ ngalan.”

Pagkatigkas nilan manawagtawag, nya-eyeng ya pigkatipunan nilan, aw nyatmuꞌ ya kadég nilan na Ispiritu Santo aw mig-ubat-ubat silan sa kanan tingeg na walaꞌ ya kakallekan.

Aw adun da, kay Tyumanem, dyengeg mu ya kanilan pagpigil kanami aw ya palpa nilan na malat adti kadég nami na maglong sa ngalan ni Jisus. Atagi beg na kabagseg na ginawa ya kanmu manga sugu-anen na maglong sa tingeg mu na walaꞌ ya kakallekan.

Si Jisus saba ya pigkasampetan dun ni pigpasulat na Tyumanem na yan ya ‘batu na sumalem na pigkele͡an na manga panday.’ Aw kamu saba ya manga panday na kyumele kanan. ‘Manang yan baling ya batu na nya-imoꞌ masalig na tullukanan sa balay.’

Na, kyinitaꞌ na manga magdadumala͡ay na walaꞌ ya kakallekan ni Pédro aw ni Juan miglong kanilan, aw to-o silan nya-enneng-enneng, kay kya-ede-an nilan na tagbiꞌ ya pig-iskwila͡an ni Pédro aw ni Juan. Aw dun da nilan ka-ede-i na silan duwa ya gayed mig-iyeped kan Jisus idtu muna.

Na, ya kadég na mangintu-uway dun, migkasambuk ya ginawa nilan aw ya kanilan anenganeng. Aw gayed silan migtatabangay, aw walaꞌ ya utaw na dyumemet sa kanan manga pametang aw ka-unan pangkay sambuk.