Vèsè popilè nan Bib la ki soti nan MARKU 2

Pataje

Hau: ziri Yesu shaug" gyoo: lang gi nyang: gi nyangnu" ri yang" zain mo, gi doctor aca" nghoid loug we' noo mo, gi ca" ago"- deungmain" mo, ri khi" wa shid re" ngoo re" zi anghoid. Yooboo yo" mo, ri khi: wa shid re" koem ngoo re" zi nghoid ga nyangnu" ri phoug tid..

Nyangnu" da" loem" jeung" e" myed ri Yesu shau" myang lang" nyang: gi gung joem: shid: su: ri nga" zoo: we"- re" yooboo ri khyoid pyam byid bye:- ga: tid da.

Houg: lang" Yesu gi nyangnu" ri Byu gi Labain nyid shid mo anghoid- Labain nyid" gi byu shid re" to" zi nghoid.

Nghoid loug we' nyangnu" gi mo, pug soung thu yoomo Yesu jhang ayo" tain" yhi: lang" gi nya: vhuloem tho' mo da" mhang" moug: ri tu: shed' pyam lho: gung joem: shid: su: ri yhoeb joyoo yo' dage" yhoin" khyo' kaid ago".

Nghoid loug we' byu nya: zoo: gi moug myid hto' mo yooboo yo" khyoid byid: da" a myeing a: na: bo ziri ngoo nanu" ri toin" shid' wa"- ga: tid wigi gung joem: shid: su: ri Nang ri ngoo tid ba- too' we' re" yhoeb yoo koid: vu, lho: yhoem: khyoo: loo" re, - ga: tid.

Gung joem: shid: su: ri re" yooboo khyoid pyam byid: bye: ein: ziyo' too' we' re" a: thain: yoeb ciwigi loo" we' ga tid.

Houg: lang" jang: nyang to' lo wigi na: yhoeb yoo koid: vu, lho: nyangnu" da" shid' khoin" mo myab phang: thu' loo" khare". Houg: lang" nyangnu" dangain" mo, mau" hang" to" boem wigi Mangsoo ri coung" nghei zoore"- ngoonu" gi hid: te" gyeing" moug" phau" khyoo: kha" nham we' amyang yu" shi" ga: tid boem.