Vèsè popilè nan Bib la ki soti nan Mabikiri 4

Pataje

Pyɛɛri tu sɛbɛ : « Koŋ tɔri so-a koŋ mwu-i Yesu kɔɔtɛ kì. Sɛli ki ra, juniɲa bataa ciiru, Kirinŋ koŋ tɔri tenŋ po nwɔ̀ a so koŋ mwu-i Yesu ciniŋ kì. »

Kí Kirinŋ nafɛ kɔ-i waarinŋ wɔ̀ ru, kí rakɔli wuru mani wɔ̀ ru, niŋ i sɛrɛsɛri. Kí bataa i faa Ɲiniwɔlinŋ ki ra, kí i Kirinŋ wɔ wulu ki bi-ri tɔnnafurubi wu.

Niŋ fa Ŋuntiŋ, ábɛɛ yɛrima kiri kɔ́ɔ́ nubaabaa wulu kiri rama-i yibɛɛ tɛ dɔnsaŋ, niŋ na á tɔnnafurubi wɔri áwɔ jonshuru kiri tɛ, kí i áwɔ wulu ki bi mani bataa ru.

Kirinŋ wɔ wulu ki ru, ǹʼyɔ bi-a Yesu sun tu : ‹ Ábɛɛ fu tantɔnŋ kiri á kaan-a kwɔ wɔ̀ tɛ, Kirinŋ ninki ji-i awɔ fu ki nɔnkɔnŋ sun kwɔ shɔɔrinŋ ki i. ›  »

Kitikwurutoŋ ki Pyɛɛri fa Yuhana ja-i wulu ki bi-a ŋununfurubi fa ɲakili sɔɔbi wu, niŋ i bo kí tɔnŋ sun, sabu kí ǹʼja wuru tu koŋ kalimaan ni wuru-i kì. Kí tu-i niŋ ɲaan ki tɛ fɔ kí ɲakili i na bo ǹʼtɛ tu kí fa Yesu wuru arìmaŋ fan.

Bilinatɔnŋ kiri bataa fu wuru-i, kí ɲakilila ki wuru tenŋ i, niŋ fa kí miiri ki i ji tenŋ i. Koŋ tɔri wuru ǹʼbi-a tu afinŋ gbɛfɛfinŋ kiri wuru a tenŋ wɔ kì. Nka kɔ́ɔ́ finŋ kiri bataa wuru kí furuba a.