Vèsè popilè nan Bib la ki soti nan Maka 13

Pataje

Nimimi ni para kone rulaoma raminyekepao alimindare wenaalinu menda parame nimi para rono waru pangoma yanda dimi, lisaya. Gupilimipare pereda pea naarena ambe na-epea-ainya ali menda apimi ni gimi na-kome, na bina puri paloma pa ao-aliandare gore Godeme nipu rambamilia, lisaya.

U na-pali, waru andere-alepape, lisaya. Akepeandare mo epola pea diri nimi marea, lisaya.

Gupuma nimi para koda pulame nimi ma-karu pelemendare nimina da peme angele ambala kone na-wi, pu rendaame na-komalepape, lisaya. Lape angele kone na-wi pelemepare nimina kone para epelea angele dapape, lisaya. Nimina kone suma na-da pemepare nimina kone para Epe Yaakopi Sipiridimi angele gilia, lisaya.

Su yaa laapore pereda peapare na angele komeare ora na-perele pa sualiae, lisaya.

Yesumi lalore, Go epola pea yapi pange naarele, mendame kone na-wia, lisaya. So yaa nane aeme eindiolo alinu pange Godena Nakimi pange kone na-wiapare Apa Godeme komea kone wia, lisaya.

Nimimi repara pange papare pange yanda pimi angele pangelemendare paalame na-komalepape, lisaya. Gupilimipare pereda pea naarere ambe diadea, lisaya.

Go einare nimi waru andere-alepape, lisaya. Monde anda reali epola pea dinare nimi marea, lisaya. Rimba rimbalala-ainyapae, o rimbala rumu rumunapae, o kokoloko e lala-ainyapae, o yapi kepeala-ainyapae o pa marea, lisaya. Nimi u paliae sialiminya loma ma-roleao epapana, lisaya. Gupuma neme go lalo eiri wenaalinu raayo nimi pange para lalole, Waru andere-alepape, lisaya.

Go eina waru palea anda rurumi rekoma waru palea anda ruru menda para yanda pilimiae, lisaya. Anda menda nane aeme gapamani komeame rekoma anda menda nane aeme gapamani rapu yanda pilimi, lisaya. Anda rera rera paranu sumi sumi pulapedea, lisaya. Anda menda nane pange anda menda nane ala peme wenaalinu para rea gipa epelea, lisaya. Go au pula pea einuri wenanumi naki maiduame ririna kini pu naki kuou nala ei mandana pilia, lisaya.

Ririna wenaali menda parame Godena angele wenaali raayome pangenaya la deme, lisaya.

Alinu waru andapumi na bi lala ara lalore, Niri Kerisoae deme, lisaya. Gupuma wenaali andapu karu pu koyalimiae, lisaya.

Kalesoro alinu menda parame nimi ma-karu peleme pange mo Godena angele kuruaeme andanu rupara nimi waru raki dimiae, lisaya. Gupuma na bina, gapamani andaa alinuna pange kini alinuna lee angaa nane ara na angele la deme, lisaya. Go eina niminale waru andere-alepape, lisaya.

Alinu menda parame lalore, Ni Keriso ayo, loma payapo angelenu epa deme pange alinu menda parame lalore, Ni Godena poropedi ali ayo, loma payapo angele laoma aloaeme makirao-aya alinu ipuma rungula mealo pambola peme leenu pange puri pale leenu walomare monde Godena yarepe mea wenaalinuri karu pu koyaluameya rapeleme, lisaya.

Monde kendame waru komala ei andaai peredeandare go naare naniri so naare pange rimbalo pambomare so sumba pange nipuna paa na-pilia, lisaya. Gupuma so yaana aeme kumba danganu lopa galimi, lisaya. So yaa nane puri waru pale alenu pange lewa lewa pupira wilimi, lisaya.