Vèsè popilè nan Bib la ki soti nan 2Mos. 2

Pataje

Taikamanua masiarep katsitda, samba repdepnangan palelenganNia kai Abraham, Ishak samba si Jakob. Nia masiitco sangamberi tai Israel tupaorei, iageti teuakenanganNia masiropake sia.

Piga ngarura pa burunia matei rimata Misir. Tapoi tai Israel aipeile sia mangongorik kalulut rapaorei sia, bailiu pusogarangan masitidou paroman. Katsitda sege katubut Taikamanua.

Kateteret aimabeu goiso sikolik nenda, ambitnangannia inania katubut togat rimata Parao sinanalep, Lepa togat rimata sinanalep nenda masibailiuake sikolik nenda togania siurau. “Kukau oninia Mose, kalulut kualania sibara ka oinan”, Ngangan togat rimata Parao sinanalep.

Kuanangan togat rimata sinanalep katubut ina nenda, “Abbit kam sikolik nene, samba tottotakenia addeat kaku, aile kuake upam.” Iageti alanangan toga sinanalep nenda samba tottoninangannia.

Ta' amauju nenda oi togat rimata Parao sinanalep. Gorosotnia kabagat oinan murau, oto sia taiokko sipuukunia ai sia mueenung ka bebet bagat oinan. Sinulut togat rimata sinanalep masiitco karakjak nenda ka talagat labbaet, lepa koiniakenangan sara pagugulet sinanalep masialania.

Teteret aimabeu si Mose, einia masiailiake taikalaggaiatnia. Itconangan kipa rakau sia masigalaiake galajet simakope sane. Itconangan leu et sara tai Misir masimateiake sara tai Ibrani, taikalaggaiatnia nenda. Papitsanangan matania si Mose ka sangalionia, samba kateteret aiitconia ta'anai sirimanua, mateiakenangan tai Misir nenda lepa rateiakenangannia ka ngai.