Vèsè popilè nan Bib la ki soti nan Mateo 12

Pataje

Bichiba ne bia jaraaruubʉrã Dachi Akõreba bichi biꞌia nibabii. Maamina ne kachirua jaraaruubʉrã ichiba kastikai. Mʉʉba machimaa jaraaruu: Dachi Akõreba kastikai ewarid̶e jomaurãba ichimaa jarad̶ai ãchiba bed̶ea kachirua barikia jaraped̶aad̶a».

¡Ẽbẽrarã dama! ¿Machi chi kachiruarãba saka ne bia berread̶aima? Ẽbẽraba ichi sõd̶e kʉ̃risia b̶uu kĩra, maka berreabarii.

Ẽbẽra bia b̶uuba ne biꞌia jarabarii ichi sõd̶e ne bia uru b̶uud̶eeba. Maamina ẽbẽra kachiruaba ichi sõd̶e ne kachirua uru b̶uud̶eeba kachirua berreabarii.

»Maud̶eeba mʉʉba machimaa jaraaruu: ẽbẽrarãba kachirua waubadau maud̶e kachirua berreabadau Dachi Akõreba joma perdonai. Maamina ab̶aba Dachi Akõre Jauriba waud̶a jʉbawãe niiba jãka wausii aaruubʉrã, Dachi Akõreba mau perdonaabai.

»Nejõo biꞌia chauruubʉrã kuitaabadau bakuru bia b̶uu. Maamina biꞌia chauwẽebʉrã kuitaabadau mau bakuru chi biawãe b̶uu. Bakuru chi nejõod̶eeba kuitaabadau.