Vèsè popilè nan Bib la ki soti nan ማቲወስት ወንጌል 6

Pataje

ክትን ኣቕርናንድ እጝቂስቅ በዊል እደረት ምጝግስቲዝመ ፅድቂዝ በንጥን፤ ላየ ላየድቅ ክታጭስ ቈሺትጡ።

እንዝ ማጥን ኣምርስ ኻስቨነውዝ ጨጝቅሽትርነ፤ ኣምርቱ ጭጝቅትድ ኣምርስ ኣጡ፤ እጝቅ ግርየድ ጝቕምቱ ችግር ፃየው የጝ።»

«እንዝ ማጥን፦ ‹ውር ዅንቅ? ውር ዝይንቅ? ውርስ ሲርንቅ?› የነውዝ ጨጝቅሽትርነ የኵን፤ ዅረይስ ርዅየ፣ ኣልቨይስም ሰውነት ዲቋውመ?

ክት ኣራንድ ፃልይራንድ ክጝን ክፍሊል ጥውር ክቢለድ ዲቭር ስውርዝ ፅበው ኪርትል ፃልይ፤ ስውርዝ ፃቭኑድየንት ቓለው ኪርም ክወየድ ግልፅዝ ኪፍልጡ።

ነስየ ፃልይርናንድ እንት ይጥን፦ ‹ሲመይ ፅብረር ይናኣይርወ! ክሽድ ኪብርነ። ክምጝግስትየን ተትርነ፤ ከፈቃድሸን ሲመይስ ኣረጘ፣ እኒዝጘም ዝቨትል ኣርነ።

እልቱ ይናሚድየንት ንጭ ነቅ።

ይን ይናት ቢድለቍድዛት ይቅር ይናንትጘ፣ ክትም ይናበደልድየንት ይቅር ይ።

ይናት ጭቓ ዊገይስቅ ቓዝጚ ፊተነል ድውተ፤ ምጝግስት፣ ኻይልም፣ ክቭርም፣ ዘላልም ኩ የጝ፤ ኣሚን።›

«ክትን ክታት ቢድለቍድዛት ይቅር ይርንሽ ሲመይ ፅበው ክታይርም ክታት ይቅር ይጡ።

እስቲ ሲመይቱ ቢረቍ ዚልቅድዛት ቓልጥና፤ ፊዛቍም፤ ኣይራቍም፤ ቅፋነልም ድዋቍም፤ ኣነጚ ሲመይ ፅበው ክታይርድ ጛት ሚግቨኵ፤ እደስለ ዚልቂስመ ክትን ጭቕጘ ዲቍርነቅ ኣይርነቃ?

«ናዘ ዀው፣ ማርትዝ ጨቅሸው፣ ቓፅጝም ኪልጝ ስው እን ዝቨይል ክታቕምስ ኻፍት ኣኽቭትርነ። ኽሽስ ናዘ ዃው፣ ማርትዝም ጨቅሻው፣ ቓፅጝም ኪልጝ ስይጘው ሲመይል ኻፍት ኣኽቭጥን። ክኻፍትድ ፅበዊል ክእዘንድም ጝግል ኣጡ።

«ላው እጅር ሊጘ ኣደርጥዝ ቅምሽጠ ቸላውም፤ ላውድ ቀን ሊጘትረድ ሽክተኵ፤ ዊንም ላውድ ኪብርዝ ሊጘትረድ ነቀኵ፤ እደረስም ጊንዝቭዝም ሊንስ ቅምሽትርነ ቸላይርነቅም።»

እፈ እምንት ጒድልድርነቅ ክታትርነ! እደረ ንጭ እትል ኣምር ልየል ሊቨው በራኸይዙ ፃቀድየንት እነሽ ሲሰው ኣቐውዝየ ክታትሰ ኣወሽ ሲሳው?

ክት ኣራንድ ማፅውትራንድ ክለወ ናንድ ፃቨውድየንት ክፃግቭ ናንድ ኣርቒነ። ክምፅዋትድ ስውርዝ ኣነ፤ ስውርዝ ፃቭኑድየንት ቓለው ኪርም ክወየድ ግልፅዝ ኪፍልጡ።»

«እቅ ክታት ቓልጛንስ ይርን ክታቀሰው ሰቭድየንት እቀ በዊል ፃቫይርነጘ ጣጝቅቅጭጥን፤ ኣለዝየ ሲመይ ፅበው ክታይርቲስ ወየ ችጛይርነቅም።

«ፃምርናንድ ተክዘጥ እቅ ጝታፃመነውድየንት እቅ ቓልጛንስ ማጥን ጝታጋፅድ ጨቅጛንትጘ ክትንም ክታጋፅድ ፃምልውዝትርነ። እማንዝ የኵን፤ ጛይ ጝታወየድ ምሉዝ ለምርጝኵ። ክት ኣራንድ ፃምራንድ ክጋፅድ እቓጭ፤ ክኣውርድየንትም ቅቫት እቓጭ። እንዝም ክፃምድ ስውርዝ ፅበው ኪርስ ጭቝ ኣርቕሽተው፣ ላየ ኣውማው እጅርዝ ግን ሲውርሸው ኣጡ፤ ስውርዝ ፃቭኑድየንት ቓለው ኪርም ክወየድየንት ግልፅዝ ኪፍልጡ።»