Vèsè popilè nan Bib la ki soti nan Roma 12

Pataje

Kamulandihiwe mawendelo a atu a mwilamboni ya vati. Mbwenye inafwanela musanduwe muwari motukula joumbuwela jixa ja Mulugu ira muwande xefwa jatene ira mukayena ibaribari, muone ndila inafuna Mulugu. Mwaira eno munoiziwa jengo japama, jofwanela, jokwakwanela jinafuna Mulugu.

Nona miyo abalaga, nnafuna dukokomezeni eni ira nera niumbuwele tangaranga da Mulugu, inafwanela muvivelele maningwinyu ira mukale nnga mukuto wa ingumi, otchena, ofwanela vamentoni va Mulugu. Mutamalela Mulugu wa ibaribari ku vivelela wewo.

Mukale atu ohagalala muwari moing'anela, mukale atu ovilela muwari mwa makatamiho eto mulobelege tempu datene.

Kamugondjihiwe na ubure, mbwenye nyo mugondjihege ubure moirana japama.

Muzivelanege na makalelo nnga anazivelana atu a muibalini mmohive. Eto kada mutu alimbihede muriheda nfwaye na makalelo apama okwaranya makalelo anarihediwetcha liye.

Zivelana wenyu kukale zivelana wa ungongomwa. Inafwanela muidege jengo jabure. Muhidedege jengo japama.

Akala jowandeya, zela pandi yenyu, muvende wenda na murendele na atu atene.

Abalaga oziveliwiwa, inafwanela mwahamuwelihede mutu kunyakunya. So muhiye yengwele mmandani mwa uwali wa Mulugu. Kalaga nnga mazu a Mulugu kalrembiwe wanle oira: <<Nabwiya gunawonga ira: <Weliha kunyakunya kwaga. Miyo nnomuweliheda kada mutu zela mabasa alabile liye.> >>

Kamuirege japama molramwisa. Inafwanela muiregena japama mwa Munemba, mmulabaga Nabwiya.

Mwa sayi da Mulugu, zela mabasa udivahile liye ira dihinde, miyo nnafuna duwandeleni ira inafwanela kada mutu agarati, avione na makalelo okwakwanela nnga vili liye, moviyeviha, hiya muwari movitukulela. Kada mutu uli liye avione mokwakwanela na nroromelo Mulugu unvahile liye.

Kammuwelihede ubure mutu wenno unauirelani ubure. Mbwenye musakege irana japama vamentoni va atu atene.

Muwendege na murendele kada mutu na nfwaye. Kamukale atu oapeta afwinyu, mbwenye muwendege vamohi na atu olramwisiwa. Eto kamukale oviona nnga muli a toto.

Nyo mbwenye, inafwanela mutu unauidani akana ndala, munvahe jodja. Akana ntona, munvahe mahindje. Tchoira mwairana eno, muhumpwateliha mutule makalra a munlo vamuru vaye.

Mwaarelihege ale anauharaharani. Hiya iraga atembelrelra, muirege areliha. Mwamuona mutu ahagalalaga, na nyenne muhagalalege. Mwamuona mutu anlaga, na nyenne munlege.

Mukayena makalelo oakamiheda afwihu otchenihiwa zela jengo jinaahalela. Muzuzumelege ira mwaawatchelege alendo na makalelo apama.

Mwasiwa hiyo atu omuroromela Yesu nili nnga maningo a mutu mmohi. Maningo anokana jano jidjindji. Mbwenye jano jatene kajinna mabasa mamohive. Kada yano ikana mabasa inalaba atu. Kalaga nnga hiyo atu omuroromela Yesu. Muwari mwa Kiristu muli hiyo masiki niindjive, maningwihu ba mamohive. Nnaoneya nnga nili jano ja maningo mamohi.