Vèsè popilè nan Bib la ki soti nan MATAYO 24

Pataje

He vuntu vwa kuzika kwa lubero, lukundo lwa vajinki lunehoa. Mira ula enegumirija mhaka msio niye enekia.

Kangi Mburi Yedi ya vufumwa inebirikirwa he si jose, ioke vuonwa he vaisanga vose; aho niho ula mkengelejo weneza.

Na unywi munesikia mburi ja nkondo na mbike ja nkondo; rerehani, musiitushwe; ambu ivyo vyose nire sari vize; mira uo mkengelejo teunate.

Ambu mbari na mbari jineomana, vufumwa na vufumwa vuneomana; heneketa nzota na vididimo uko na uko. Ivyo vyose ni kivokio cha mavwasi.

Wanga na si vinevecha, mira viteto vyangu tevikaveche narini.

Ambu vajinki veneza he izina langu, vekiti, ‘Nimi Kristo;’ navo veneisha vajinki.

Ilo igheri venemuinkija murishwe vwasi na kukomwa; na unywi muneoka vantu va kushinwa ni vaisanga vose vuntu vwa izina langu. Niho vajinki venekuhosha, veneliana marenge na kudaana. Henevuka varoti vajinki va mongo, veneisha vajinki.

Yesu akagharusha, akavati, “Rerehani, mntu asimuishe.

Heicho na unywi, kuringanyeni ra, ambu Mwana wa Mntu eneza he saa mwesiiarire.”

“Yaeni ra kiavi, ambu temumanyije iti ni msi uhi Mfumwa wenyu eneza.

“Mira mburi ya msi ula na saa ila, tehena eimanya, neri vamalaika veho uko wanga, neri Mwana, esire Vava mwenye.

Ambu heneketa Makristo a mongo na varoti va mongo, navo veneketa maluvengo mabaha na vimako, nesa vavateshe hata vala vesaghurwe kakicha kiidimika.

Ambu sa vuntu chekiikee he ila misi yakwe Noa, nirevwo vuntu cheneoka hata he kuza kwa Mwana wa Mntu. Ambu sa vuntu chekiikee he ila misi yerongorire mghubiko wa mpombe, vantu vekila na kunwa, vekilondola na kulondolwa, mhaka ula msi Noa ekiingia he safina, vasitwarije, mhaka mghubiko wa mpombe ukaza ukakenja vyose; nirevwo vuntu cheneoka he kuza kwa Mwana wa Mntu.