Vèsè popilè nan Bib la ki soti nan Kur 6

Pataje

Reero nu gambira Abaisiraeli ku naabagira nti: Niinye Nyakubaho; niinyija kubakiza emirimo egumire ei Abanyamisiri barikubaitsa; mbaihe omu buhuuku bu baabatairemu, mbacungure mbangire omukono nimbaha ebifubiro by'amaani.

Kandi ndyabahindura abantu bangye, mbe Ruhanga waanyu, haza mumanye ku ndi Mukama Ruhanga waanyu, owaabakirize emirimo egumire ei Abanyamisiri baabaire nibabaitsa.

Ekindi, ndyabahitsya omu nsi ei naarahiire kuha Aburahamu na Isaaka na Yakobo; ngibahe ebe eyaanyu buzima. Nyowe Nyakubaho nkikore. Ebyo Musa ku yaabigambiire atyo Abaisiraeli, baayanga kumuhurira ahabw'okugira obujune bwingi omu mutima, n'ahabw'okugangibwa obuhuuku.

Kwonka Nyakubaho agira Musa ati: Mbwenu noija kureeba eki ndaakore Faraaho. Manya niinyija kumugyema n'omukono gwangye gw'amaani, abarekure. Buzimazima niinyija kumugyema n'omukono gwangye gw'amaani, ababingye omu nsi ye.