Vèsè popilè nan Bib la ki soti nan Rum 11

Pataje

Awit samubarang kabèh kuwi sangka Panjenengané, awit Panjenengané lan kanggo Panjenengané; kamulyan mung kanggo Panjenengané sak lawas-lawasé! Amin.

Wah, tenan gedéné kasugihan, kawityaksanan lan putusané Gusti Allah! Tenan putusan-Né ora kena dijajaki, lan dalan-Né ora kena ditlusuri.

Awit, sapa ta sing weruh marang pikirané Gusti? Utawa, sapa ta sing bisa nuturi Panjenengané?

Mengkono uga ing waktu saiki, ya ana turahan sak rombongan miturut pilihané karo dasar kawelasan. Yèn bab kuwi kedadiané awit sangka kawelasan-Né, dadiné ora sangka penggawé menèh, yèn ora mengkono, sing dijenengké kawelasan kuwi duduk kawelasan menèh.

Mulané, yèn pangé wis ana sak bagéan sing diketoki, lan kowé sing dadi tukulan alasan wis dityangkokké kanggo gantiné, banjur mèlu olèh bagéan sangka oyoté wit saitun sing kebak tlutuh kuwi, kowé aja pada gemunggung marang kabèh pang kuwi! Yèn kowé pada gemunggung, pada élinga, yèn duduk kowé sing nyangga oyoté, nanging oyoté kuwi sing nyangga kowé.