Vèsè popilè nan Bib la ki soti nan Romefo 2

Pataje

Na ɔwo, nyimpa a ibu hɔn a wɔyɛ dɛm ndzɛmba no atsɛn, na eyɛ dɛmara no, ana isusu dɛ ibefi Nyankopɔn n’atsɛmbu nsa? Anaadɛ ibu n’ayamuyie nye tartweɔn nye penkyɛr ahonya mapa no enyimtsia a, innyim dɛ Nyankopɔn n’ayamuyie no dze wo rokɔ nnuho mu anaa?

Dɛm ntsi, ɔwo nyimpa a ibu atsɛn, anoyi bi nnyi hɔ mma wo, na dza ibu obi atsɛn wɔ mu no ibu wankasa woho fɔ; osiandɛ ɔwo a ibu atsɛn no, eyɛ adze kor no ara.

Na Nyankopɔn afamu dze, nyimpa enyimhwɛ nnyi hɔ.

Na nnyɛ mbratsiefo na wɔyɛ atseneneefo wɔ Nyankopɔn enyim, na mbom hɔn a wodzi mbra do no na wobobu hɔn bem.

Ɔno na obosusu ama nyimpa biara dɛ mbrɛ no ndwuma tse

na hɔn a wɔpɛ mansotwe, na wonntsie nokwar no na mbom wotsie dza ɔnntsen no, ebufuw nye ebufuhyew bɛba hɔn do.

Na w’akoma dzendzen a ɔmmpɛ dɛ ɔsakyer ntsi, eroboaboa ebufuw ano ma woho wɔ ebufuw nye Nyankopɔn ne tsenenee atsɛmbu nyikyerɛ da no?