Vèsè popilè nan Bib la ki soti nan MATIUS 9

Pataje

Pade nangulimo Yesus ka anaguruna, “Nadeamo tau nasadia mantarima Kareba Belo. Ira nasimbayu ewa pae to natasamo, namalamo rakato. Tapi tau topokato da'a nadeaka. Sabana etu komi kana merapi ka Pue ntinalu etu ala I'a mompakau tau malau mokato.”

Kau pegurumo batua nu tesa Alatala to nanguli iwe'i: ‘To nipodotaku ala komi maasi mata ri ja'i tau ntanina. Da'a nipodotaku binata-binata rakeni rasambale ka Aku.’ Sabana patuju karataku ri dunia e'i da'a mompokio tau-tau to nanoa rarana, tapi ala mompokio tau-tau nasilaka.”

Tempo I'a nanggita todea, naasi mpu'umo matana, sabana nandasamo ira pade da'a ria tau nantulungi ira ewa bimba da'a ria topoewuna.

Tesa ira etu niepe Yesus. Jadi niulina ka ira, “Da'a tau to naroso korona paraluu rapakuli dokutoro, aga tau to naju'ana.

Naopu etu nalaumo Yesus nompebutu ngata. I'a nopaguru ri sapo-sapo mpodade ira bo nompatolele Kareba Belo to nanguli iwenumo ane Alatala moparenta ri dunia. Pade nipakabelona pura-pura tau to naju'a bo nalente korona.