Vèsè popilè nan Bib la ki soti nan Valamuli 16

Pataje

Se Dhalila a to khene: “Ayiwee! Vafilista ndiva va kutelako Samusoni.” Se a to vhumuka ngu wukoheni kwakwe, a txi khene: “Ni na huma kambe ni konkuwa, ni ti hulukisa, kufana ni simwani sikhati.” Nguko ene a ti si ti zivi ti to MKOMA se a khukhile kwakwe.

Sekoko Samusoni a to dila ka MKOMA, a txi khene: “MKOMA Txizimu, na ku kombela ti to u ni alakanya, u txi ni ninga mtamo konkuwa, ka yona mbimo yiya awe Txizimu, kasi ku ngu mbimo yimweyo, ni ti photela ka Vafilista, ngu mhaka ya maso angu a mambidi.”

Se a to mtulela txotshe txihunja txa mbilu yakwe, a txi m'gela tiya: “Limo kha li zivi ku nga gwesa msungo wangu, nguko ni Mnazira wa Txizimu, kukhukhela mndani ka mame wangu; ngako yi txo kuyulwa misisi, eho mtamo wangu wu ndi na khukha kwangu, ni fana ni vamwani vathu.”

Se ku to maheka taku, ngako Dhalila a nga ti ti mkulumela otshe masiku ngu mapswi akwe, a txi mkhokhonisa, moya wa Samusoni wu to pandiseka ngutu, a txi nga ova lifoni.

Se Samusoni a to khene: “Ni nafe ani, ni Vafilista!” Se a to nama ngu mtamo, se nyumba yi to wa txitimwi ka vathangeli, ni txitimwi ka vathu votshe vale va nga ti ti maneka ka yona; se mbavangi vathu va a nga va daya kufani kwakwe, kupinda vale a nga va daya, kuhanyani kwakwe.