Vèsè popilè nan Bib la ki soti nan 2 Yohanes 1

Pataje

Yato ang dioaintee pa'kalemu, dianto untuhu'i ingkänna pahentana Puang Alataala. Anna yato pahenta inang puhangnga' unghingngi mengkalao pampahandu'anna anna mampetahpa'koa' pano di Puang Yesus ang naoatee, la si ungkalemui lolokoa' solamu.

Menna-menna dai umpentokei pepakuhunna Kristus, ampo' untuhu'i toboe' pihki' kalaena, tau yatoo dai aha kasikenteanna dai' di Puang Alataala. Ampo' menna-menna umpentokei manahpa pepakuhunna, ya' ahane' kasikenteanna dai' di Puang Alataala Ambeta sibaha Änä'na.

Dahi la undakai manahpakoa' kalaemu andana labu' kalei yato pengkähängangki' anna malai untahimbo asangnga' sahomu yaho mai di Puang Alataala.

Aka' mai'ding to pampasähsä' lalang kende' anna mao mampakuhu tama inde di lino. Tau yatoo dai naakui naoatee, ”Puang Yesus To Dilanti' la Mepasalama' tamang inde di lino menghupatau.” Tau ang noa yatoo dianto to pampasähsä' lalang anna to umpa'bali Puang Yesus Kristus.