Vèsè popilè nan Bib la ki soti nan Fèɖópĩ̀à 1

Pataje

Ké ḿ dyuò kà ɖɛ ní muà cɛ̃ìn nyɛɛ mɔ̀ jǎà jɛ́ɛ́ kɛ. Ɔ mɔ̀, kà ɓɛ́ Gèɖèpɔ́ɔ̀ mɔ̀ nyɔ dèà kũ̀à nìà kɛ gbɔ ɖé ɓě múɛɛ, ɔ muɛ dyúa kpaùn tee ɓɛ́ ɔ ké hwɛ̀ ɖé Jízɛ̀ Kɛ́ɖɛ́ì nììn wéɔ̀ múɛ.

Ɖɛ kɔ̃̀ jè ḿ ɓaà kɛɛ, ɔ kɛ. Ɔ mɔ̀, ɓɛ́ ɓěɛ̀ ɖɛ̀ɓɛ̀ǐn-ɖɛ̀ɓɛ̀ǐnɔ̀ kè ɓěɛ̀ ɖɛ-dyí-dyuò-dyuòɔ̀ ɔ kè ɓěɛ̀ ɖɛ séín múin-wɔ̃́-wɔ̃́ɔ̀ ké kɔ̃ kpáuń nì tee, ɓɛ́ ɓě ké ɖɛ mɔ̀ ɖɛ nɔ̀mɔ̀ dyíin nyɛɛ dyí dyuòɛ̀ ɓɛ́ìn. Nìí, bɛ̃̌ kè kɛɛ ɖò se ɓě bũ̌ nìɛ̌ mu ɖé Kɛ́ɖɛ́ì nììn wéɔ̀ mú.

Sepóɛɖé ɖé ḿ gboɛɛ, ɔ nì kà ḿ kè Kɛ́ɖɛ́ìɛ̀ fɛ̀ɛ̀ɔ̀ gmaìnɔ̌ kà dyíɛ. Ké ḿ dyi mɛ́ín, nìí, ɔ mɔ̀ ní kpánáa.

Ti séín ɓɛ́ ɓě jè dyi ḿ hwìɖǐiɛɛ, ḿ po ní Gèɖèpɔ́ɔ̀ zùo.

Ɖɛ dyúáɖò ɓě mɛ nyuɛɛ, ɔ mɔ̀, ɓě mɛ cĩ́ kà Kɛ́ɖɛ́ìɛ̀ bɔ̃̌ nɔ̀mɔ̀ dyíinɔ̀ nyuà cɛ̃ɛ kɛ, ɓɛ́ kɛbì ḿ mɛ dyi ɓɛ́ ḿ ké ɓě dyé, mɔɔ ɓɛ́ ḿ ké se dyiɛɛ, ḿ mɛ wɔ̃́ ɖé ɓě gbo bɔ̃̌ kà ɓɛ́ ɓě ɓéɖé hwòɖǒ dyúáɖò, ké ɓě nyànà dyi gãun-gãun wɛ̃, ɔ kè kà ɓɛ́ ɓě séín wɔ̃́, ké ɓě vɔ̃ ɓó bɔ̃̌ nɔ̀mɔ̀ dyíinɔ̀ hwìɖǐǐ-taɓa-ɖɛ̀ ɓěɔ̀ jèɛ.

Sepóɛɖé ɖɛ kpɔ̃ ḿ hwòɖǒ mìɔ kɛ kè ɖɛ ḿ dè hwòɖǒ kɔ̃ɛɛ, ɔ mɔ̀, ɓɛ́ dɛ̃ ké se ḿ nyu ɖé ɖɛ ɖò mú, ɓɛ́ ḿ ké se fɛ̃̀ìn fɔɔ ɓó kàǔn ɔ kè ti séín ɓaɖa, ɓɛ́ Kɛ́ɖɛ́ì ké dya-dè-dè ɓéɖé dyììn ɖé ḿ mìɔùn mú, kɛbì ḿ mɛ cĩ́ mɔɔ ḿ mɛ mɛ́ɛ.

Ɖɛ nɔ̀mɔ̀ dyíin ɓɛ́ ɓě ɖǎà dyé kɛɛ, ɔ se Kɛ́ɖɛ́ì hwìɖǐǐ taɓa jè ɖòùn, kɛɛ ɔ mɔ̀, ɓɛ́ ɓě ké gǎ dyé ɓó ɔ jè ɖekè.