Vèsè popilè nan Bib la ki soti nan Máà 16

Pataje

Ké ɔ cɛ̃ɛ ma wa gbo, ké ɔ ɖá, “Ɓě mu ɓóɖó-kpàà dà séín, ɓɛ́ ɓě ké bɔ̃̌ nɔ̀mɔ̀ dyíinɔ̀ jè zio po ɖé nyɔǔn séín gbo.

Nyɔ ɓě mɔ̀ nyɔ taɓa bɔ̃̌ nɔ̀mɔ̀ dyíinɔ̀ hwìɖǐǐɛɛ, wa mu ɖàɓàìn-ɖɛ̀ ɓě nìà kɛ nyuùn. Wa mu zùù gbà nyɔǔn mú zàùn ɖé ní nyɛ́nɛ́ mú, ké wa mu wuɖu kà kò ɖò ɓě poùn. Ɔ jǔ ké wa dyi sɛ ɓě dyí ɖú, ké wa dyi ɖɛ ɓě mɔ̀ nyɔ-ɖáɓá-ɖɛ̀ kɛɛ ná ní, nìí, ɔ se wa ɖɛ ɖò bũ̌ nyuɛ́ mu fɔɔ. Wa mu waà sɔ̃ ɓěɔ̀ wɛ́-nyɔ̀ ɓě kɔ̃ pɛ̃́ìn, ké wa mu dyi kánáùn.”

Nyɔ mɔ̀ nyɔ ɓɛ́ ɔ taɓa bɔ̃̌ nɔ̀mɔ̀ dyíinɔ̀ hwìɖǐǐ, ké ɔ kpá níɔ kɛɛ, ɔ mu póùn. Kɛɛ nyɔ mɔ̀ nyɔ ɓɛ́ ɔ seɛ hwìɖǐǐ taɓa kɛɛ, zaa mu ɔ kpɔ̃ùn ɓó ɔ nàmàǔn jè.

Ké ɖeín-nà-nyɔ̀ ɓěɔ̀ sɔ̀ dyí, ké wa mu ma dà séín, ké wa po ma zio. Bounɓoɔ̀ kpá ma wa gbo, ké ɔ kùìn ma bɔ̃̌ɔ̀ dúi dyììn ɖé ɖàɓàìn-ɖɛ̀ ɓě ɓɛ́ wa nyu ma kɛɛ mú.]

Ké gàa-dyù gmɔ̀ɔ̀ cɛ̃ɛ ma wa gbo, ké ɔ ɖá, “Ɓě ɓɔ́ fɛ̃̀ìn. Ɓě nì Jízɛ̀ sɔ̀ Názɛ̀ɖɛ̀, ɓɛ́ wa kɔ̀ìn ma kà kɔ́ɖɔ́sìɔ̀ kɔ̃in nyɛɛ dyi mɔ́uń. Ɔ ɖǎ gĩɔ wóɖó. Ɔ se nɔ̄ nì ɖe. Ɓě gmɔ̀ nɔ̄, dà ɓó wa pɛ̃́ìn ma kà ɔ dyiɛ̀.

Kɛɛ ti ɓɛ́ wa nyini ma ɓó kɛɛ, wa dyéɛ ma kà ɓɛ́ sɔ́ɔ́-kpò vɛ̀nɛ̀ɔ̀ ɖǎ ma ɓó sɔ̀ kɛ. Ké wa wáɖáìn ma ɖé xwɛ́-ɓìɔ̀ mú, ké wa dyé ma gàa-dyù gmɔ̀ ɖò, ké ɔ kò ma hwɔ ɖé ɖiaún dyí. Ɔ po ma gã́ùn púú ɖò mú. Ké fã̀à nyu ma wa.