Vèsè popilè nan Bib la ki soti nan Gàɖézìà 6

Pataje

Ɓěà ní ɖá ɓɛ́ ɓěà ké sa ɓó ɖɛ nɔ̀mɔ̀ dyíin nyu jè. Ɔ jǔ ké kpé se à dyí hwɛ̀ǐn, nìí, ti ɖò mu dyiìn, ɓɛ́ à ké ɖɛ ɓě à ɓáà kɛɛ ɓo ɖi.

Ɔ jèɛɛ, kà à mu ti dyéìn, ɓɛ́ à ké nɔ̀mɔ̀ dyíin nyuɛɛ, à mɛ nyu nyɔǔn séín bìì nɔ̀mɔ̀ dyíin. Nyɔ ɓě kɔ̃̀ bìì à mɛ nyuɛ jɛ́ɛ́ kɛɛ, ɔ mɔ̀ nyɔ ɓě ɓɛ́ à kè wa kè mɔ̀à nyɔ dyúáɖò ɖé hwìɖǐǐ-taɓa-ɖɛ̀ ɓěɔ̀ múɛ.

Ɓě ɓéɖéìn ɓèɖèìn ɓě mǔè ɖòɛ̀ gbɛ̌. Kǎà ɓě mu kàa Kɛ́ɖɛ́ì gmaɔ̀ dyi kpɔ̃ɔ nyuùn.

Ɓěǐn ɖá ɓɛ́ ɓě ké ɓě mìɔùn cá. Nyɔ ɖò ní cá Gèɖèpɔ́ɔ̀. Ɖɛ nyɔ ɓá kɛɛ, ɔ kɔ̃̀ ɓo ɔ ɖi.

Ɔ nì kà ɔ mìɔùn nììn mɔ́ɔ́-ɖɛ̀ mɔ̀ɔ̌ kà geɖeɛ. Ɔ dyi ɖé ɖɛ ɓá ní, ɖɛ ɔ mu ɔ kɔ̃ún dyéìn nyɛɛ mɔ̀ mú-gbɔɔ̀-gbɔɔ̀. Ké Zùùɔ̀ nì kà geɖe nìà kɛɛ ɖekè. Ɔ dyi ɖé ɖɛ ɓá ní, ɖɛ ɔ mu ɔ kɔ̃ún dyéìn nyɛɛ mɔ̀ sè-ná-sèɛ̀ fɛ̀ɛ̀.

Ḿ ɖíí ɓě, ɔ jǔ ké ɓě dyi nyɔ ɖò ɖɛ gbà ɖò nyuɛ dyéín, ɓě mɔ̀ nyɔ ɓéɖéà Zùùɔ̀ kɛɛ mɛ sɛ́ɖɛ́ìn ɔ dyí. Kɛɛ ɓě mɛ nyuɛ ɖéɛ hwòɖǒ-dyùà ɓɛ̀ɖɛ̀ɛ̀-ɓɛ̀ɖɛ̀ɛ̀ mú. Ɓě mɛ màìn ɓě mìɔùn jè mú, ɓɛ́ ɓě mɔ̀ùn ní kɔ̃̀ ɖà mú-dɔ̃̌-dɔ̃̌ dyé ɖekè.

Ɔ jǔ ké nyɔ ɖò dyiɛ hwìɖǐi poìn kà ɖɛ ɖò nì ɔ múɛɛ, ké ɖɛ ɖò se ɔ mú nìǐn, nìí, ɔ cá ɔ mìɔùn. Nyɔ séín mɛ dɔ̃̌ wa mìɔùn nììn nyuu-ɖɛ̀ mú. Nìí, ɖɛ kɔ̃̀ jè ɔ ɓɔ́ɖɔ́à kɛɛ mu ɔ mìɔùn nììn nyuu-ɖɛ̀ jè jǔùn, ké ɔ seɛ ɖɛ ɓɛ́ nyɔ ɖò mɔ̀ùn ɖǎ nyuɛɛ gboi kpaá mu. Sepóɛɖé nyɔ séín ɓéɖé ɓɛ́ wa ké wa mìɔùn nììn gbɛ̌ ɓéɖé.