Vèsè popilè nan Bib la ki soti nan Jueces 7

Pataje

Ja̧danö, Isabenö Jo̧ma Gedeonnö yöawinobe, —Ökwökwö ju̧kwadö israel jojodötjö ölakwabikwawadöma, yelösöda ba̧jȩkwadö tjö̧jobe. Chedemi ba̧jȩkwadökwö kwölakwabikwawaduwitjö̧ma, israel jojodöma ötjö chujulu tjo̧mukwatökena, idöda tjujulu tjomukwatena, –Juluwadödobetjö̧ dujuluwajabe, –jö̧ba̧lö. Jejenö tjomukwatapji jö̧ba̧lö, ba̧jȩkwadönö öbibö kwölakwabikwawobö chöpöjöda.

Ikenama, Isabenö Jo̧ma Gedeonnö yöawinobe, —Bidö trecientosbedö tjömamunö owajadöda tjölakwabikwawonö, madianitas jojodötjö kwö̧jibaduwinö pjatatocha. Okobe deinö ju'wedönö tjȩwa̧jobö webidönö, —jö̧ba̧lö.

Jo̧kwajabetjö̧, baikwö wetakwö, kwömöayedö ölakwabikwawadö tja̧ja̧kwonö, yöbawidönö, –Ökwödötjö yebabinö tjö̧bawadöma, kwejuduwibe kwȩwa̧jaduwobö jo̧be, —jö̧ba̧lö weinobe. Weökwe, weaja̧danö yöawinobe, yebabidö yebaböködötjö böjö 'da̧batö ujunakobetjö̧. Ja̧danö, yöawawö̧, ba̧jȩkwadö tjȩwa̧jinobe, diez milbedö Gedeonkwö tjö̧jibonö, veintidos milbedö tjȩwa̧jinobe.

Ikenama Isabenö Jo̧ma Gedeonnö yöawinobe, —Chedemi ina yelösöda tjö̧ba̧jȩkwachobe, jo̧kwajabetjö jobadönö öbibö kwi̧'yo, ojwiyo owawemibi, ötjöda omudawö chujunajawö̧nö ju'wedötjö böjö 'da̧batö chujunakobetjö̧. Bakwo̧nö, –Bitema ökwökwö i̧'yakwo̧, –yötawitjö̧ma, ökwökwö i̧'yobö ja̧kobe, ja̧danö, –Bitema 'yö̧kö̧, –yötawitjö̧ma, i̧'yobö jwiakobe, —jö̧ba̧lö yöawinobe Isabenö Jo̧ma Gedeonnö.

Yöawökwe, Gedeonma ölakwabikwawadönö öibinobe, ojwese'dotjö ojwiyo tjowobö, ja̧danö tjowobö weinobe. Isabenö Jo̧ma Gedeonnö yöawinobe, —Okobe deinö tjömamunö ojwiyo do̧batö, tjö̧mamunö a̧wi̧li̧dö tjowi̧danö owadönö, bakwachobe kwujunodönö, ja̧danö okobe deinö tju̧yu̧kijunö banö, bȩba̧chibö ojwese'dotjöda owadönö wainö jelekwöchobe kwujunodönö, —jö̧ba̧lö. Ja̧danö, sule trecientosbedöda tjömamunö ojwiyo tjowinobe, okobe deinö ju'wedöma, tju̧yu̧kijunö ba̧nö, bȩbachibö tjowinobe.