Vèsè popilè nan Bib la ki soti nan Jueces 6

Pataje

Jo̧ba Gedeonnö angeldanö öwawachinobe Isabenö Jo̧ma, ja̧danö Gedeonnö yöawinobe, —Baikwö yötawakwö ökwö ölakwabikwawa juluwo̧nö, Isabenö Jo̧ma isabenö ökwökwö ja̧nö pjaatobe, —jö̧ba̧lö.

Atadökwe, Isabenö Jo̧ma Gedeon ö̧jobekwö edö yöawinobe, —Ötjöda ökwönö 'da̧batö wetakwö, israel jojodö madianitas jojodö tjujulutjö tjö̧jibanö pjakatobö. Kwujulu baibanö jejenö iyö wetakwö, jo̧kwajabetjö̧ tjö̧jibanö ölakwabikwawö 'ya̧wi, —jö̧ba̧lö.

Atadökwe, Isabenö Jo̧ma Gedeonnö yöawinobe, —Ötjödasa ökwönö pjatatakwo̧ma, jo̧kwajabetjö̧ ökwönö pjatatobetjö̧, wayökakobe jobadönö kwujuluwobö. Jau, jojo bakwo̧nöda tjujuluwi̧danö, madianitas jojodö tjö̧ba̧jȩkwijayonö, wayökakobe jobadönö kwujuluwoböma, —jö̧ba̧lö.

Yöawökwe, Gedeonma atadinobe, —Chuluwo̧, dakwö –Isabenö Jo̧ma ökwökwö ö̧jobe, –jö̧ba̧lö yökawobö? Isabenö ökwödökwö ö̧jitjö̧ma, tajawedö babe sulabenö baledi̧ baledobeda? Da'dödö yötjawina da̧ja̧kwijatö, –Isabenö Jo̧ma ökwödönö Egipto nijitjö ichejebinobe, –jö̧ba̧lö, ja̧danö isabenö ökwödökwö ö̧jitjö̧ma, tajawedö inesö ujulu i̧sȩbina yötjawi̧danö baledokobeda? Isabenö Jo̧ma pjabatökönö, ökwödönö kabatibö loinobe, ja̧danö ökwödönö iyö loinobe, madianitas jojodö ökwödönö tjujuluwobö, dakwö ötjökwö ö̧jobe jö̧ba̧lö yökawobö, ökwödökwö deena ichejekwa, —jö̧ba̧lö atadinobe.

Weökwe, Gedeonma atadinobe, —Ötjöma luwo̧bö̧kö̧sa, israel jojodö tjö̧jibanö pjatatobö. Okobe deinö Manasesessaso jojodötjö, baikwönönösasobedösa, ökwödö chabe'dö ömöledöma, ja̧danö okobe deinö chömöledötjö baikwönönöbo̧sa ötjöma, luwo̧bö̧kö̧sa, —jö̧ba̧lö.

Ja̧danö, ju'wi möle, Isabenö Jo̧ma, angeldanö ichejekwö öwawachinobe, ja̧danö Ofra comunidadtjö encina towi teebe öbamatinobe. Jowima, Manasessaso jojodötjö Abiezersaso jojo Joas itea towi. Jowi pjeanö, laju ubasobu ja̧takwö otikwaju ji̧nobe, ja̧danö jaju okwa, Joas itji̧ Gedeonma ju̧kwawö trigo sula'wo chabö loinobe, madianitas jojodöma edö tjönaukwapji jö̧ba̧lö.

Jemi ikenama, Gedeonma jobetjö Isabenö Jo̧nö iyawemi jobetjö otidinobe, ja̧danö otidajo̧, iyawemi imi imidinobe, —Isabenö Jo̧ma dösölö̧jinö edo̧, —jö̧ba̧lö. Ja̧ iyawemi Gedeon otidinemima, ina jobe Abiezersaso jojodö tjitebo Ofra comunidadnö bo̧be.

Yöawökwe, Gedeonma yöa̧linobe, —Chuluwo̧, isabenö ötjönö ösödö, pjakatobö jö̧ka̧litjö̧ma, kwösödi̧ i̧sȩkwi̧ jawa kwi̧sebobö atebakwö, –Isabenö Jo̧da ötjönö webo̧ma, –jö̧ba̧lö öwawinö chöwaisachibakobetjö̧.

Jo̧kwaijayonö Isabenö Jo̧ma Gedeonnö yöawinobe, —Wene jwiköba, yebabökönui, ötjönö kwedajayonö, woköbökakwo̧ja, —jö̧ba̧lö.

Ja̧danö, israel jojodöma yemidanö Isabenö Jo̧ öpöjödi̧ jawa sulabenö ja̧tjinobe, ja̧danö sulabenö ja̧tjiökwe, Isabenö Jo̧ma jobadönö iyö loinobe, tjöpöjojodö madianitas jojodö jobadönö tjujuluwobö. Ja̧danö, jelemutjö dötölataja o̧bia baledibanö, madianitas jojodöma israel jojodönö tjujuluwinobe, tjuluwedö ja̧nö.