Mandaj Diosca, Moisespaj ñaupajta yalijushpami, cashna nishpa villajurca:
—¡Mandaj Dios, Mandaj Dios ñucami, tucuita ushaj, llaquij, juyaj, na ñapash fiñarij, ninanda llaquij, na llullaj cani! Huaranga huaranga miraicunacaman llaquijmi cani. Nalita rurashcata, na cazushcata, juchata rurashcatapash cungaj Diosmi cani. Shina cashpapash nalita rurajtaca, ima nalitapash na ruraj runatashnaca, na saquishachu. Ashtahuangarin taitacuna nalita rurashcata ricuj shamushpami, churicunapaj jahuapi, chai churicunapaj cati churicunapaj jahuapi, quimsa miraicunacaman, chuscu miraicunacaman llaquichisha— nircami.