Vèsè popilè nan Bib la ki soti nan Madius 24

Pataje

Etpu auatialidi inliinmopoi atimi inyi ahinag va nedo has esjilid. Aien inyi ti adumoij aien, uhpu imyiatamaig yin.

Eri upyi hup um asuptecnaig intas-upene ineigki va nelcau o Atua an nobohtan asega, nitai asuptecnaig imi nup urai iji pece asega; ja etpu yetpam nehni o itai.

Akupu atahaijeg edoa aijaua im lep intas vai edoa: jam jim imtitaig: etpu idim yetpam nitai iji eigki asega, ja inyi ti fi auroauro um ahni itai.

Erupu ati nedoa nup uran pece inyi ethi vai nup uran taka pece, im lep nup uran nelcau inyi ethi vai nup uran tak eleau: etpu lep eteuc numlaig has, im inmas, im nomoi irai iji pece inyi ahinag. Et idim ahka um eris nitai iji eigki asega.

Etpu yetpan an tid iran nohatag im nobohtan, ja inyi ti yetpan an tid iran intas unyak.

Erupu ham natimi inyi ahinag an nidak, um ika, Ek Kristo ainyak; erupu imyiahnag atimi inyi ahinag ara.

Erupu alwei caua ara mika eri abli caua, um atgei caua: erupu lep amcel vai caua a nup urai iji pece asega va nidak. Erupu adumoij natimi inyi ahinag an naopan iyehki, erupu efaifa jipe vai ra ara, um amcel jipe vai ra. Erupu atidai a ilpu profeta efaifa inyi ahinag, um imyiahnag atimi inyi ahinag.

Is tas a Iesu, um ika ehele ra, Akumu aminjinai caua aijaua va yi jim imyiahnag caua tah natimi.

Va nedo ineigki akumu yecrei caua aijaua: etpu yetpam a Inhal o natimi an nuarin-nadiat ineig aki eti aktaktai aijaua.

Akumu aminjinai caua aijaua; eka eti ato aijaua nuarin-nadiat ineig etpu yetpam a Natimarid unyimia.

Ja et eti ato nadiat iyehki im inuarin-nadiat iyehki tah natimi, ka tah ilpu agelo an nohatag, jai Etmak ache.

Erupu ehcohos pam a ilpu Kristo efaifa im ilpu profeta efaifa, erupu ehvaig niji itai ehka ara, im niji itai imyiali; erupu ika ara eri imyiahnag ilpu atimi ehtai ra; ja inyi ehka.

Is idivaig nedo an numoh o Noa, etpu idim ucco an naopan iyehki inyi ham a Inhal o natimi. An naopan iyehki is wat pam eti ahgarero nobohtan eris hag ara um umwig, um atmehgan um asanlai, um uhum pan naopan iyehki is apan a Noa an nelcau, eris eti ato ara um uhum pan naopan iyehki is ahgarero nobohtan um leucse ra; etpu idim ucco napam o Inhal o natimi.