Vèsè popilè nan Bib la ki soti nan GENESIS 11

Pataje

Ndien Jehovah ete, Sese, mbio emi edi kiet, kpukpru mmɔ enyuŋ enyene usem kiet; enyuŋ etɔŋɔ ndinam emi: ndien ke emi idikpanke mmɔ baba ŋkpɔ kiet eke mmɔ edikerede ndinam. Ekam eyak nnyin isuhɔre, inyuŋ itimere usem mmɔ do, man kiet okukop ikɔ kiet eken.

Ndien mmɔ edɔhɔ ete, Ekam eyak nnyin ibɔp obio inɔ idem nnyin, ye edikoŋ ufɔk eke ibuot esie edisimde ke enyɔn; inyuŋ inam enyiŋ inɔ idem nnyiŋ, mbak idisuana ke iso ofuri ererimbot.

Mmɔdo enyiŋ esie ekerede Babel; koro Jehovah etimerede usem ofuri ererimbot do: Jehovah onyuŋ anam mmɔ edaha do esuana ke iso ofuri ererimbot.

NDIEN ofuri ererimbot ekedi usem kiet ye ikɔ kiet.

Ekem Jehovah osuhɔre ete ise obio oro ye edikoŋ ufɔk oro nditɔ Adam ebɔpde.

Ndien Jehovah anam mmɔ edaha do esuana ke iso ofuri ererimbot: ke ntre ke mmɔ etre ndibɔp obio oro.