Vèsè popilè nan Bib la ki soti nan Filipai 2

Pataje

Ni kan chim butueta nyama abe ni kan a nak kuusa a poli ayen nama zuak gaam ni chaaba, zaab m dek po, ni nya nuruba gela ayen ba gaam ni kama. Ni kan a poli nidek ŋanta nyiini wie, alege ni a poli ni vaanchaab ale ba ŋanta jigi wie.

Ku a fɛ ate ni ta popola ŋaai chaab ate Yeezu Kirisita jam ta la

Wa jam ka Wen alege wa kan jam a yaali ayen wa ta pagrim a soa ase wa le jam ka diila ate ba chim bunyi. Wa jam pai wa le ka diila kama a basi ŋaaŋ alege a chim tomteerɔ ase nurubiik la. Wa jam ka nuru waai ale seba wadek yikka la ale a zuli Wen nɔi a kpi jabarimu nyiŋ.

Wen abe ale kasim bo ni suiniimaŋa po a tom la, wa a yaali kama ayen ni a tom wieŋa de ŋaai ale a te wa suipeentik la. Wa be a te ni pagrimu mɛ kama ate ni tom dii ate wa a yaali ayen ni tom la.

Dila nyiŋ ale soa ate Wen a zak wa a zaani ŋmai ale te wa yuei dii ale zuak a gaam yue meena la, ate Yeezu yuenni dan wi duna meena kpi tɛŋ, wenŋmazuk po ale tɛŋzuk de ale kpiluŋ tɛŋ, ate noa meena a weeni ayen, Yeezu Kirisita ka Naawen, ate Kowa Wen a nya zula.

Ni a tom wa tuimaŋa abe ni ka a ŋuuni ale ni vaanchaaba yaase ni ta nanpaga ale chaaba. Dila ale basi kama ate ni welema ni suiniima po abe ni kan ta kaasuŋ Wen nimbie po, dii nyiŋla ni ka wa bisa. Baai ale ka tuim kaasima nyam a kasim a tom tuimbaata nna yegayega la, a boro a gilim ni kama. Ni basi ate ni tuim maŋsaŋa a nyaksi ba suŋsuŋ ase chiŋmarisaŋa ale a nyaksi diila.

Dila nyiŋla, m dek doaba, ase mi ale jam bo ale ni la, ni a zuli mi nɔi, alege yɔgyɔgla de ate mi ŋman karo ale ni la, ku magsi ka ni diema a zuli mi nɔi nalimnyiini. Ni pii nyiŋ nalimnyiini a tom wa tuimaŋa ale kpazinagsuk ate wa vari ni ni tuimbaataŋa po a basi.