Vèsè popilè nan Bib la ki soti nan 1 Timoti 6

Pataje

Diipo ate fi jam nyini peelim a zaani seerɔba yegayega niŋ a pai fidek a te Wen la, wa pai ka wa nyuvuri dii ale kan ta kpeglimka la a te fu. Ŋmasi yik di nalimnyiini dii nyiŋla, ka dila nyiŋ ate wa wi fu. Be basi ate fi nina muni ale fi siaka ale wa ase nuru nina ale muni tugurik po diila.

Dii nyiŋla, tuimbaata meena tɔgatɔga piilimka a nyini ka ligra yaalika yegayega jigi a jam. Nuruba gela a ta ku ba suiniima po ka nna yegayega ayen ba ti nya ligra. Dila ale soa ate ba a basi Wen suiku ate ba suiniima a kaasi nna yegayega la.

Ku ka wensie ayen fi dan va Wen suiku ate fi sui peenti ale ŋan baai ate fi ta la, fi jigsi kama.

Dii nyiŋla, ba ale biak ti la, ti an jam ta jaab a jam tɛŋzuk de. Ti be dan kpi, ti an diem baga le pai jaab a ta cheŋ.

A sak nuru baai ale ta ŋanta yegayega la ayen ba kan a yaali yue ba ŋantaŋa nyiŋŋa. Ba kan ta yiila ba ŋantaŋa nyiŋŋa, a poli ayen ba ale kasim a nya ka masim ba nyiŋŋa. Da dii dai ba le jam a kaasi kama. Alege weeni ba ayen ba ta yiila Wen jigi waai ale a te ŋanta meena ate ti sue a peenti la.

Alege baai ale a yaali ayen ba chim jigsirɔba la, Sitaana le jam a paasi ba abe wa bari ba ba betta tuimaŋa po ale ba tuimbaata yaalika ate ba jam kaasi nna yegayega.

Ŋanta yegayega nyama de weeni ba ayen, ba jigsi mɛ ale tuimaŋsa tomka abe ba a yaali ayen ba pai ba ŋantaŋa a chari nuruba ba chaab. Ba dan a nye dila, chum diipo Wen le te ba tiirita a magsi chaab ale ba ale nye diila ate ba ŋmasi yik nya wa nyuvuri maŋ kaai ate wa le pai a te ba la.