Vèsè popilè nan Bib la ki soti nan Maka 11

Pataje

Koto ekina꞉ iki pa꞉ta꞉ alome. Ala꞉ta꞉ ma꞉nda꞉na꞉ yeni pitolo hata꞉ honke lemeka꞉na꞉ta꞉ kota꞉ Amba꞉ mea wia halome hone wia hata꞉ milimikie leekeme.

Iki pa꞉ta꞉ ota꞉ pi alome. Hali epima꞉ oli pote pa꞉ta꞉ alota꞉ Naka꞉ kone tiao mo dawala pa꞉ta꞉ pua lopa꞉peke lea꞉ka꞉na꞉ta꞉ ipika꞉ puki pa꞉ta꞉ hone ti na yokeke pa ipika꞉ dupilieke leeke pi manuta꞉ ota꞉ pilieke laa homeke hone witolo hata꞉ lea꞉ka꞉na꞉ta꞉ mo hali pa꞉ta꞉ ota꞉ pina꞉ lelieke leekeme.

Kutupa make Koda꞉ pa꞉ta꞉ tiao hata꞉ yeni pimika꞉na꞉ta꞉ ma꞉nda꞉ma꞉ iki pa꞉ta꞉ hoke hau pa꞉la꞉eki pa꞉ta꞉ hone pa upaleke hata꞉ pimika꞉na꞉ta꞉ kota꞉ ipika꞉ hoke hau tombuao pa paeyaapa꞉peke leekeme. Ika꞉ hepeni nane hala꞉ Apa꞉ma꞉ ika꞉ hoke hau paeyaena꞉yeke ma꞉nda꞉ma꞉ iki pa꞉ta꞉ hoke hau pa꞉la꞉eki paeyaapa꞉peke leekeme.

Yesuma꞉ iki pa꞉ta꞉ alota꞉ Koda꞉ pa꞉ta꞉ hone tulao hapa꞉peke.

Kutupieke ipikana꞉ma꞉ pi wala iki pa꞉ta꞉ alota꞉ Mo Baibolona꞉ wape pea ula꞉ pita꞉ Koda꞉ma꞉ alota꞉ Yaka data꞉ kenke paeyao wanda꞉hali paeyaoma꞉ yeni pu halo pa꞉la꞉ da hala꞉me laa wape pa ula꞉pate ikana꞉ma꞉ta꞉ do data꞉ pake no pamboloendi piteleme da haena꞉ alememe leekeme.

Titina꞉ pemeke wanda꞉halima꞉ make wetepena꞉ pemeke wanda꞉halima꞉ tonka꞉na꞉ wi la alu alu pitolo alota꞉ Hosa꞉na꞉e. Ta꞉na꞉e. Tekehalina꞉ bikina꞉ ipula꞉ halita꞉ Koda꞉ma꞉ ipika꞉ pi laena꞉e laa

Nika꞉ apa꞉ Deipidi ipika꞉ kilu tombuao hala꞉eki ipula꞉ ekina꞉ ipika꞉ pi lamana꞉e. Hepeni nane Hosa꞉na꞉ pi lamana꞉e. Koda꞉na꞉ biki a꞉meiyaomana꞉e lemekeme.