Vèsè popilè nan Bib la ki soti nan Jenèz 32

Nonm lan di l: — Yo p'ap rele ou Jakòb ankò. Y'ap rele ou Izrayèl, paske ou goumen ak Bondye, ou goumen ak moun, se ou menm ki genyen batay la.

Nonm lan di l: — Kite m ale, paske bajou pral kase. Jakòb reponn li: — Si ou pa beni mwen, mwen p'ap kite ou ale.

Men li menm, li te rete pou kont li dèyè. Lè sa a, gen yon moun ki mare batay ak li, yo goumen jouk douvanjou.

Jakòb di konsa: — Mwen wè Bondye, mwen pa mouri. Se konsa, li rele kote l te ye a Penyèl.

Lè nonm lan wè li pat ka bat li, li bay Jakòb yon kou nan ren l. Se konsa zo ren l dejwente pandan yo t'ap goumen an.

Nonm lan di: — Ki jan ou rele? Li reponn: — Jakòb.

Jakòb mande l: — Tanpri! Di mwen kijan ou rele? Li reponn li: — Poukisa ou vle konn non mwen an atò? Apre sa, li beni Jakòb.

Mwen menm k'ap sèvi ou la, mwen pa wè poukisa ou fè m tout favè sa yo, poukisa ou toujou kenbe pawòl ou avè m. Lè m t'ap travèse larivyè Jouden, se annik yon baton mwen te gen nan men m. Kounyeya m'ap tounen, mwen tèlman genyen, mwen ka separe yo fè de pòsyon.

Se poutèt sa, jouk jòdi a, pitit pitit Izrayèl yo pa manje venn ki kenbe zo ren an, paske se sou venn sa a Bondye te frape Jakòb.

Jakòb lapriyè, li di: — O Bondye Abraram granpapa m lan, Bondye Izarak papa m lan! O Senyè, ou menm ki te di m tounen nan peyi m kote m te fèt la! W'a fè tout bagay mache byen pou mwen.

Tanpri, delivre m non anba men Ezayi, frè mwen an! Mwen pè pou l pa vin atake nou, pou l pa touye ata fanm yo ak timoun yo.