Vèsè popilè nan Bib la ki soti nan Jenèz 24

Pataje

Li lapriyè, li di: — Senyè, ou menm ki Bondye Abraram, mèt mwen, tanpri, fè m jwenn jòdi a sa m'ap chache a. Moutre jan ou bon pou Abraram, mèt mwen.

Mwen mande ou pou jenn fi ki va reponn mwen l'ap ban m bwè lèfini l'ap bay chamo m yo bwè tou, lè m'a di l: Tanpri, bese krich ou a ban m ti gout dlo pou m bwè, fè se li menm ou chwazi pou Izarak, sèvitè ou la. Lè sa a, m'a konnen jan ou bon pou mèt mwen vre.

Izarak mennen Rebeka lakay li, kay ki te pou Sara, manman l lan. Li pran l pou madanm li. Izarak te renmen Rebeka. Se konsa li te jwenn konsolasyon, apre li te fin pèdi manman l lan.

Yo beni Rebeka, yo di l: — Rebeka, sè nou, nou mande Bondye pou ou fè anpil anpil pitit. Se pou pitit pitit ou yo bat tout lènmi yo.

Mwen vle pou sèmante devan Senyè a, sèl Bondye syèl la ak tè a. Sèmante ou p'ap chwazi madanm bay pitit gason mwen an nan medam k'ap viv nan peyi Kanaran kote mwen rete a. Men, se nan peyi pa m pou ou ale, pou ou chwazi pami moun menm ras ak mwen yo yon madanm pou Izarak, pitit gason m lan.