Vèsè popilè nan Bib la ki soti nan Yoona 19

Pataje

Nang Yesu nniaat a̱sa̱sat a̱sa̱khwot a̱na̱p wu a̱ni, huhwa gu nyia̱, “Ku tyak!” Gu si̱ kin totong a̱pyia̱ a̱byin, a̱ si̱ khwat swuan, a̱ si̱ nkat.

Yesu lyen nang di̱ yong huni, kuzang kyang mbai tyak. A̱wot da̱nian kuzang kyang hu ka nat cha̱chaat nang á̱ ku ndyuut mami A̱lyiat A̱gwaza na a̱ni; huhwa si̱ mbyia̱, a̱ si̱ nyia̱, “N fwuong mashyi.”

Nang Yesu ndi a̱yang byin nggu wu mbeang nggwon nta̱m nang gu chat a̱ni, kpa̱mkpaan ma̱ng a̱yang wu; huhwa gu nyia̱ ma̱ng a̱yang byin nggu wu a̱ni, “A̱yang, di nggwon ang kya ka!” A̱wot a̱ si̱ nyia̱ ma̱ng nggwon nta̱m nggu ka a̱ni, “Di, a̱yang ang wu wa wu!” Neet di̱n jen a̱ja, nggwon nta̱m ka si̱ kin kyiak a̱yang byin Yesu wu, ka̱ si̱ nat ndyo a̱mali a̱ si̱si̱ swan ndung ma̱ng a̱nggu.

A̱wot nang ba̱ mbwuok á̱ bai da̱ a̱vwuo Yesu ka a̱ni, ba̱ si̱ kpa̱ra̱m gu a̱ti̱tak ba bah. Mat ba̱ ku shya̱ nang nggu wa ka̱n khwu. Huhwa a̱tyo nyiung mami á̱niet nzwang ba si̱ nwuan Yesu, a̱ si̱ ti̱p da̱ a̱beam tsi̱ntsa̱u ma̱ng zwang ji. Mi̱ di̱ yong a̱hwa, a̱sok ma̱ng a̱sa̱khwot si̱ kin ghwut.

Si̱ huni ku bai da̱nian ku ka nat cha̱chaat ma̱ng kyang nang á̱ ku lyuut mami A̱lyiat A̱gwaza na a̱ni nyia̱, “Á̱ byia̱ kunkup gu nyiung nang á̱ na but a̱ni bah.” A̱wot A̱lyiat A̱gwaza a̱ghyang si̱ bu nyia̱, “Á̱niet na nwuan a̱tyu nang ba̱ ku ti̱p a̱ni.”

Yesu si̱ ghwut ma̱ a̱keang ka, a̱ fan a̱team a̱khwu wu ma̱ a̱pyia̱ nggu. A̱ si̱ nat ndyo da̱ a̱vwuo nang á̱ ngyei, “A̱vwuo A̱ghyighyak A̱pyia̱.” (Da̱ a̱lyem A̱yahudawa ka, á̱ ngyei, a̱vwuo ka “Goli̱gota”).

Á̱niet nzwang ba si̱ chyip bung tyok sa̱kan. Ba̱ si̱ kup Yesu a̱pyia̱. Ba̱ si̱ bu kup gu a̱shong a̱toot nang a̱si̱ tyok a̱ni.