Vèsè popilè nan Bib la ki soti nan Maarko 13

Pataje

Aharreekuung hatĩ ngagiit eeta vẽlẽk, hĩnĩngĩtĩ nganĩĩt Yeesu. Nẽẽthĩ, eet umwaa ꞌcĩ ẽmmẽẽthĩ ꞌcannan ĩꞌthõng decciaanĩt cĩ lootu, eelliaa hatĩ nẽẽnĩ.

Aaut dĩkĩĩm, hĩnĩngĩtĩ hõllõngaa agayyu niig aku kõrra tĩho hatĩngaan.

Ma aggamtuung eeta nẽ oottuung lokihooa, ma hommothiinnu thõõth ꞌcĩ occa hatĩ õõ aduhaannu hatĩ õdõlan kõrra tĩho. Udukta nẽẽ niig thõõth ꞌcĩ occa aduhaannu kõr tĩho, hĩnĩngĩtĩ hõllõngaa hatĩ ngagiit ꞌcĩg aduhaannu thõõth tĩho ho, Lori ꞌcĩ Ẽllẽẽmĩth ꞌcĩ hatĩ othooꞌthuung ngagiit ko.

Ammanyanni hatĩ hẽẽtkujjieen hĩ looc nẽ aalla hatĩ thõõth caannĩ ho ooo.

“Nẽẽthĩ kõr niccia, aitiõõ hatĩ ẽẽtĩ ꞌcĩ aga waathĩn ꞌcĩ hatĩ edeeꞌnyianĩ thooꞌthioha cieeg tõõ, tananga aajĩlẽẽta cĩg hẽẽtkujjieen hode Ngeertĩ Eeto buúk hõllõngaa aga, Baaba ꞌcĩ aaĩ hẽẽtahujjieen dioo ꞌcĩ aga.”

Ma ĩthĩktu jõrẽẽn, hode ahĩkĩĩmanni thooꞌthioha cĩg joreenu, ma habarrittu, hĩnĩngĩtĩ au ꞌthẽk hatĩ hẽlẽggĩ cieeg edeeꞌnyia ĩĩcĩ oou. Nẽẽthĩ, nga hatĩ hĩĩ ciee decciaanĩt cĩ lootu.

“Nẽẽthĩ, aaut niig buúk dĩkĩĩm! Hĩnĩngĩtĩ hõllõngaa agayyu niig kõr ꞌcĩ hatĩ akuuni baattĩ olu. Horoong aku hatĩ nẽẽ ꞌjiaat, hode baal hõrggẽẽna, hode aku nga haal lõõcĩ, hode õlõõha ngerrenita ꞌthaa ꞌcĩ õrõhĩ tũhũlũꞌnya, hode hatĩ uppwaanna kõrra. Má uppwaanna nẽẽ nyahamalliak nga agaac niiga, abũnnaa ammũdaakuung ngagiit acĩnẽẽnnu. Nẽ thõõth ꞌcĩ haduhaakuung naa ngagiit ko, ĩĩn thõõth ꞌcĩ haduhaahi naa eet vẽlẽk. Ũkũmattoothĩk aaut dĩkĩĩm!”

Aruhõõ hatĩ loonyini hĩ loonyin nẽ urukto habuccieeꞌnya hĩ habuccieeꞌnya. Nẽ tarĩ aattĩg hatĩ hirihidtikꞌnya loonyinii ꞌcĩg mẽẽlĩg nẽ aaĩ hatĩ nyarõnĩ buúk. Aattĩg hatĩ hẽlẽggĩ cieeg hĩ huciithi cĩ ngaa ꞌcĩ attur ꞌgoonnia.

Nẽẽthĩ, ma nga hẽdẽẽnyta thooꞌthioha cieegi, illimatteek nõõ nyeemuut ꞌcĩ abũnnaa loonyin vẽlẽk.

Au hatĩ eeta ꞌcĩg mẽẽlĩg iggoolluung aĩ hĩĩgĩnna Krĩstõ. Au hatĩ õthõõthĩ nẽẽg ꞌthaar cĩgannĩg haanytĩk eet ꞌcĩg mẽẽlĩg harahanit.

“Ma iꞌthiattaaĩ ẽdẽẽnyta thooꞌthioha cieegi, uꞌthuutti eleeti cugguung, hĩnĩngĩtĩ aggamiinnu hatĩ niig nẽ oottu lokihooa, nẽ ommokteeu ꞌCieethinii cĩg Laiittak. Aꞌngĩdeennu hatĩ õõt ĩbĩlĩt muumtinii cĩg makayyioohu hĩ ĩĩcĩg habueetu, hátĩ udukta lemiinit ꞌcĩ ẽlẽmmaangu niig nganĩĩt ko.

Hĩnĩngĩtĩ au hatĩ uppwaanna krĩstõꞌnya hĩ põrõvẽtaaꞌnya ꞌcĩg ĩĩn oloꞌngiaak ꞌcĩg au adtican hẽlẽggĩ ꞌcĩg ĩnaat eeta, aĩ hatĩ higgoollia eet baag ẽbẽra Nyekuci, hatĩ ũũlũ ngaatĩ ĩggõõlĩ ĩhõõggõ.

Baa aduhaak Yeesu nuyyiook cĩgĩnnĩg anneek, “Waathinniook nicciag urutaa cĩ ꞌcannaanõ, “ ‘Adaahĩ hatĩ kõrra hĩ nyĩlõk, nẽ adhukiaa hatĩ mũnyũnya nẽ õtõmõõcõ hẽlẽggĩ vẽlẽk ꞌcĩg aattĩg hẽẽtahujjieen.’