Vèsè popilè nan Bib la ki soti nan Aba Loma 12

Pataje

Mutakeghelelaye inkalo izya bantu aba muchisu ichapasi, loli mumwitikizye u Chala ukuti andule ubumi bwinyu pakubapa inyinong'ono impya. Po mungiza mumanye ubwighane ubwa Chala, mukwiza pakumanya chicho chiza, ni chakumuhobosya nkani, sona ni chakufikapo.

Polelo bakamu bane, pachifukwa icha chisa icha Chala ichikulu nkani kukwitu, nkubalaba ukuti mwiyipe mwebene ukuti chibanje chakwiyipa icha bumi kwa Chala, ichakupaghuliliwa pambombo yache, sona ni chakumuhobosya nkani. Kuko ko kwiputa kwinyu ukwa buzimu.

Muhobokaye nkani pachifukwa icha lusubilo lwinyu, mubanje bafisalyoyo muntamyo nukwiputa akabalilo kosi.

Mutakitikizye ukuti ububibi bubapote, loli mubupote ububibi pakubomba inyiza.

Mughananaye nu moyo ghosi ngati mwe bakamu. Muchindinkanaye.

Ulughano lutakabanje lwa buzimbuli. Muchibengaye chicho chibibi, loli muchilemelele chicho chiza.

Nanti chingabombiwa, mubanje mumutende na bantu bosi.

Bamanyani bane, mutakatanizyanje ububibi, loli mumulekele u Chala ukuti atanizye. Pakuti Amasimbo ghakuti, “U Mwene akuti, ‘Ukutanizya ko kwane. Nkwiza pakutanizya.’ ”

Bo mukubomba, mubikayepo umoyo ghosi, sona mutakabanje bakata. Mumubombelaye u Mwene umwakwiyipa nu moyo winyu ghosi.

Pachifukwa icha chisa chicho u Chala ampiye ukwendela muchisa chache, nkunena namwe mwebosi ukuti, mutakipimaye mwebene pakuba bapamwanya nkani ukuchila namumo mubeleye. Loli mubanje bakwiyisya amoyo ghinyu ukuyana ni chipimilo icha lwitiko lwinyu, lulo u Chala abapiye.

Utakatanizyanje ububibi pabubibi. Yezya pakubomba ivintu vivyo vyiza pamaso pabantu bosi.

Mwivwanaye akiza mwebosi. Mutakituvyanje, loli mwangalaye poka na bantu bulo. Mutakipimaye mwebene ukuti mwe bamahala nkani ukuchila bosi.

Loli ukuyana na Masimbo aghakuti, “Nanti umulwani wako ali nizala, umupanje ichakulya, nanti ali ni nyota, umupanje amizi aghakung'wela. Pakubomba bunubu kokuti ukumukozya isoni.”

Mumulabe u Chala ukuti abasaye babo bakubavwima. Naloli mumulabe ukuti abasaye, umwakuti atakabaghune, awe. Hobokagha poka na babo bahobokite, lilagha poka na babo bakulila.

Vivyo muli navyo mugabanaye na bakilisitu abamwinyu babo bakusobelwa. Mubapokelaye abayeni munyumba zyinyu.

Tuli ni vigaba ivyinji bulo mumubili ghoka, sona ivigaba vyosi ivi vili ni mbombo iyakulekanalekana. Umwakuyana bulo, napapo twe binji, twe mubili ghoka mwa Kilisitu, sona tumamatiziwe poka uyu na uyu ngati vyo vigaba ivya mubili ghoka ivyakulekanalekana.