Vèsè popilè nan Bib la ki soti nan Gyenesis 49

Pataje

Ahempoma remfiri Yuda nsa, na mmarahyɛ poma remfiri ne nan ntam de kɔsi sɛ ɛsodifoɔ a aman bɛyɛ setie ama no no bɛba.

Yosef yɛ dua a ɛso aba mman, dua a ɛso aba wɔ nsuo aniwa soɔ mman; ne mman tratra ɔfasuo. Mmɛmmatofoɔ hyɛɛ no yea, wɔtotoo no, na wɔtaa no.

Nanso na ne tadua kura no pintinn, na ne basa mu yɛɛ den. Ɛfiri Yakob Tumfoɔ no nsam, ɛfiri ɔhwɛfoɔ a ɔyɛ Israel botan no mu. Ɛfiri w’agya Nyankopɔn, ɔmmoa wo, na ɛfiri Tweaduampɔn hɔ, ɔnhyira wo. Ɔmfa ɔsorosoro nhyira, ne ebunu a ɛtrɛtrɛ aseɛ mu nhyira, ne nufoɔ ne yafunu mu nhyira nhyira wo.

Yuda, wo na wo nuanom bɛyi wo ayɛ; wo nsa bɛtia w’atamfo kɔn so; w’agya mma bɛkoto w’anim. Gyata ba ne Yuda; hanam so na wode anyini, me ba. Ɔkotoe, ɔbutuu sɛ gyata ne gyatabereɛ; hwan na ɔbɛhwanyan no?

Ruben, m’abakan ne wo; m’ahoɔden ne me mmaninyɛ asefire. Woboro so anidie mu, woboro so tumi mu. Wohinhim sɛ nsuo, enti wo kandie bɛfiri wo nsa, ɛfiri sɛ woforoo w’agya nnaeɛ. Ɛno mu na woguu ɛho fi, — me mpa na woforoeɛ!