Vèsè popilè nan Bib la ki soti nan Rome 4

Pataje

Me lo zia be ti lo na ndö ti zendo ti Nzapa, lo dekite pepe; lo kpengba na lege ti mabe si lo gonda Nzapa. Lo hinga biani na be ti lo so Nzapa ayeke na ngangu ti sara ye alingbi na zendo ti lo.

Biani, Mbeti ti Nzapa atene: “Mbi sara si mo ga kotara ti gba ti amara.” Na le ti Nzapa, lo yeke taa kotara ti e ndali ti mabe ti lo. Nzapa so ayeke mu fini na akuâ, na lege ti tënë ti yanga ti lo, ye so ayeke daa pepe, lo sara si ye ni abaa gigi.

Lo so a mu lo ndali ti siokpari ti e, Nzapa azingo lo na kuâ ti sara si e ga azo ti mbirimbiri.

Abraham azia be ti lo kue ti ku, ataa so mbeni ye titene lo zia be ti lo ti ku ni ayeke daa pepe. Lo ma na be si lo ga “Kotara ti gba ti amara.” Ye ni asi alingbi na tënë so Mbeti ti Nzapa atene: “Fade ahale ti mo ayeke ga mingi mingi tongaso.”

Ndani laa azo alingbi ti wara aye so Nzapa amu zendo ni gi na lege ti mabe; lo mu aye ni na ahale ti Abraham gi senge senge. Tongaso zendo ni ayeke ndali ti ahale ti Abraham kue. Ambeni zo so azia be ti ala na ndö ti *Ndia, zendo ni ayeke gi ndali ti ala oko pepe, me ayeke nga ndali ti azo so ama na be tongana Abraham, babâ ti e kue.

“Ti ala nzoni, ala so Nzapa azi sioni na li ti ala awe, ala so lo zi siokpari ti ala awe! Ti lo nzoni, zo so *Kota Gbia adiko siokpari ti lo na li ti lo pepe.”

Biani, Mbeti ti Nzapa atene: “Abraham azia be ti lo na Nzapa, nilaa Nzapa abaa lo tongana zo ti mbirimbiri na lege ti mabe ti lo.”