Vèsè popilè nan Bib la ki soti nan MARCOS 2

Pataje

Nadngel ira nen Jesus kanyan sikatoy inmebat, Aliwan saray maksil so laman da so mankaukolan na doktor, no ag ingen saray mansasakit. Ag ak dia linman manawag ed saray matonung, no ag ingen linma ak dian manawag ed saray makasalanan.

Anengneng nen Jesus so pananisia ra, kanyan inkuantod samay paralitiko, Anak ko, apirdona la ray kasalanan mo.

Insan kuanen Jesus, Say Agew na Panagpainawa so niletneg a pankaabigay too; say too ag pinalsa a para Agew na Panagpainawa.

Balet lapud karakel na totoo, ag da niasingger ed kinen Jesus imay mansasakit. Kanyan binongawan day atep ya apetekan nen Jesus, insan da inyabeba may paralitikon walad dokulan.

Paneknekan kod sikayo sirin a say Anak na Too et walay pakayari tod tapew na dalin a mamirdonay kasalanan. Inkuantod satan ed samay paralitiko, Kuankod sika, alagey ka, alam tay dokulan mo, tan sempet ka la!

Dinay lalon mainomay ya ibagad sayan paralitiko: say pangibagay, Apirdona ray kasalan mo, o say pangibagay Alagey ka, alam so dokulan mo tan manakar ka?

Naimatonan dan amin ya inmalagey, inala toy dokulan to, insan la linman tampol. Agaylay pankelaw na amin a totood man tan indayew day Dios. Ag kami ni akanengneng na onya! kuanda.