Vèsè popilè nan Bib la ki soti nan MATEO 22

Pataje

Inmebat si Jesus, Arom so Katawan a Dios mo ed intiron pusom, diad intiron kamarerwam, tan diad intiron kanunotan mo. Sikato yay manonan ganggan. Say kumadwa a manonan ganggan kaparpara to: Arom so kaparam a too a singa panangarom ed sikan dili.

Sarayan duan ganggan sasakopen da ray amin a Ganggan nen Moises tan saray bangat da ray propita.

Ta amayamay so naimbitaan, balet dagdaiset so napili.

Ta no onolid bilay iray inaatey, ag la ra mangasawa tan miasawa, tan magmaliw iran singa saray anghil ed tawen.

Ipanengneng yo pad siak so kuartan ibabayar ed buis! Inter dad sikatoy kuarta, insan tinepet tod sikara, Siopay akanlupa tan akanngaran na nitatak ed kuarta? Say Impirador, ebat da. No ontan sirin, kuanen Jesus, iter yod Impirador so nabebetangay Impirador, tan iter yo met ed Dios so nabebetangay Dios.