Bɛɛ Siɔniɡibu, i nuku dobun kuuki koowo.
Bɛɛ Yerusɑlɛmuɡibu, i yɛ̃ɛrio nuku dobun sɔ̃.
Wee bɛɛn sinɑ boko u sisi bɛɛn mi.
U sɑ̃ɑwɑ ɡemɡii kɑ fɑɑbɑ kowo.
U ǹ tii sue.
Kɛtɛku buuwɑ u sɔni.

Kon de tɑbu kɛkɛ yi kpe Efɑrɑimun temɔ
kpɑ dumi kɑ tɛn ni bɑ rɑɑ kɑ tɑbu kuɑ yu kpeerɑ Yerusɑlɛmuɔ.
Sunɔ wi, u koo kɑ bwesenu bɔri yɛndu nɑɑwɑ.
U ko n bɑndu diiwɑ nim wɔ̃ku ɡeen di
sere kɑ nim wɔ̃ku ɡiɔ,
sɑɑ mɑɑ dɑɑ te bɑ mɔ̀ Efɑrɑtin di n kɑ dɑ hɑnduniɑn ɡoonu nnɛ sɔɔ.

Yen tɔ̃ɔ te, kon nɛn tɔmbu fɑɑbɑ ko
nɡe mɛ yɑ̃ɑ kpɑro u rɑ win yɑ̃ɑnu fɑɑbɑ ko.
Bɑ koo bɑlli ben temɔ nɡe kpee ɡobiɡii
ni bɑ mɑni sinɑ furɔ sɔɔ.

Vèsè popilè nan Bib la ki soti nan Sɑkɑri 9Pataje

Vèsè popilè nan Bib la ki soti nan Sɑkɑri 9