Vèsè popilè nan Bib la ki soti nan ROMMA 12

Pataje

Tlumugi tagi u dlara vi suu hu duliyaraɗi, hinigi Lona pereɗegi u mbuɗta gasira zeɗ u yal magina halaŋ, li wa na ni agi hin wi tlesuu Lona min a ay lasina, tlesuu jivina, tlesuu teteɗna, tlesuu pasiyakŋa.

Gorsenna, aygi wi ana Lona waygi hahaw maygira. Na ɗaŋŋi an joɓogiya, agi ɦal tagi ki ko ɓivun ma iirina na, ŋgomogi tagi maŋ Lona u dlara irim jivira, ni dlara jivira geleɗ Lona u ndaɗta.

Furiyugi hu juɓpa, ɗigiligi irigi hu wihawra, cenegi u juɓpa egemu.

Hin cora a su kaŋgi, su kay cora u jivira na ɗow.

Lagi minda duk tagiya tagiya ko gorseŋ tasina min tasira na, tli yam tagi kolo koloo.

Li minda gasira, hin cora kiyo, njunugi tagi saɓaki eg jivira.

Lagi dlara agi ndaki kaɗ a laɗa, kay a kak ko tagi u suuna halaŋ u heɓpa.

Banayanna hoŋogi cora kay suu lagi cora u tagiraɗi, hinigi yara vi Lonara li ndaɗu, kay magaara di ana, «Sa ma sasugul suuna ni anu, an hin warakaŋŋi anu.»

Lagi tagi fete, li zolombi, sunugi Bu Suuna u furira.

U ɦalla Lona ɦanda ki u jivi mamba an min di ha ni magi agi halaŋ. Vagi saara daŋ hurugi ŋgol su dlara agi ndaki kaɗtaɗi, ni na ɗow ana saa ni hoŋ yamba kaŋga u jivira gege dukugi ni lini hu vira Lona ɦambara.

Hoŋ cora maŋ sana u coraɗi, lagi jivira ni maŋ suuna halaŋ.

Lakagi taɓi duk tagiya, ŋgaagi tagi kay tlenɗi lagi sunda ɗegeera, Gologi tagi ko suu neeyna naɗi.

Ndaɗ hin di olo ana, «Lini sa ma babali maŋŋa mayra camu ni aŋ ɦam va ma tira, lini laara camu ni aŋ ɦam yo ma cira, aŋ li wa na ni ko aŋ tokom murus kura kamba na.»

Joɓ Lona nam paɗ vunum ki kay suu lasagina, joɓomu nam paɗ vunum ki kasiya. Ka ana baasi ki baaya na ɗowɗi. Lagi furira u suu ka furina, tiirigi u suu ka tiina.

Njun u gorsegi suu ka hu loɓma, vi suu mba varagina jiviya.

Ko hu mbalata sana na ni tliwim ka ɓorowi zeɗ zeɗ, sun masira zeɗ zeɗ halaŋ may. Na may aygi bolow lay ni taɓi dew hu Kristu, aygi halaŋ taɓi ni eg taygiya gege gegelay hu tara dewra.