Mataayo Obhukangati
Obhukangati
Ekitabho kinu kyangʼoorwa na Mataayo. Yeesu yaamubhirikira Mataayo okubha omwihigira waaye eribhaga rinú Mataayo yaaringa omutobhya wa erigooti. Amangʼana amaaru ganú Mataayo yaangʼoora mukitabho kinu, n-ganú yaamaaha omwene kwa ameeso gaaye. Mukitabho kinu, Mataayo yaabhangʼoorera ekinene Abhayahudi bhanú bheekirirya Yeesu. Nawe, Amangʼana Amajomu eguru ya Yeesu gataringi kurusumo rwa Abhayahudi abheenego, nawe n-kubhantu bhonsego bha ekyaro kinu. Amangʼana Amajomu garagamba ega, Yeesu ngʼo Kiristu na Omutuurya wa abhantu. N-kuhitira ku Yeesu ega, Waryubha yaakunaanʼya gonsego ganú yaaringa aragiri abhantu ega, arikora.
Ekitabho kya Mataayo kiseemiibhwe bhujomu na kiraganira amakorwa amaaru mubhuhoru bhwa Yeesu mukyaro hanu, okwambira okwibhurwa kwaye, okuhikira okuhunjuka kwaye murwire. Gatigati kiraruusya ameehigiryo amaaru ganú Yeesu yaaringa areehigirya abhantu. Mumeehigiryo gaaye, turatura okumanya kya ego obhukama bhwa Waryubha bhuringi, na turaraarikwa okwikara obhuhoru bhwa okumungʼarira Waryubha.
Trenutno odabrano:
Mataayo Obhukangati: Kabwa
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© 2022, Wycliffe Bible Translators, Inc. All rights reserved.