DIHA 13
13
Da tau hakambulu madua da malua pa-kapilitu
(Bel. 1:19-33)
1I MIRI napanii-nya i Muha, 2“Welingu la nimbihu kabihu Ihirailu palewa-wa haàtu welingu la hongada da liku uruda ka dalua pa-kapilitu-ya na tana Kanaàngu na pawua-nggunya napa na banjaru Ihirailu,” wàna. 3-15Pa-namatu-nya na hupu liina i Ala palewa-nahaka nyuda i Muha welingu la maràda telangu Paràngu. Mbuu ndàbada da tau nuda liku uru-maha la honga tau Ihirailu:
| Kabihu | Liku Uru |
|---|---|
| Rumbingu | i Hamua anana i Hakuru |
| Hamiungu | i Hapàtu anana i Hori |
| Yahunda | i Kalipu anana i Yapuni |
| Ihakàru | i Yinggàlu anana i Yuhupu |
| Epuraïmu | i Hohia anana i Nungu |
| Mbanyamingu | i Pàluti anana i Rapu |
| Hembulungu | i Nggandialu anana i Hondi |
| Manahi | i Nggandi anana i Huhi |
| Ndàngu | i Amialu anana i Nggamali |
| Ahiaru | i Heturu anana i Mikayilu |
| Nàputali | i Nàhambi anana i Wòpuhi |
| Nggàtu | i Ngguilu anana i Maki. |
16Nudaha da ma-kapilitu da papalewa-na i Muha palua pa-kapilitu-ya nuna na tana. I Hohia anana i Nungu na-panjilu-nya na tamuna paraïna i Muha, Yuhua wànanya.
17Ba na-paràha-nja palaku paraïna i Muha, na kamahi-nja, “Hanàhu-miwa la diana la luruna na tana Kanaàngu, kai mangu pa-pangalangu la ngabana na ma-palindingu. 18Kanuturu-ya jàka nggiki hamana nu na tana, nadangu na mangia-nya hi ndia, da-kapingatu nyuda hi ndia. 19Kanuturu-ya jàka nahàmu nuna na tana jàka ndia, la ndeha ma-tanelaku-ha da mangia-nya jàka ndia hi la parai - paraingu maningu tindingu-ha. 20Pamàndu-nja da etimi hamata-ya jàka na-kamboka na tanana dàngu jàka nadangu pingi aina lai nu. Àmbi ma-rombangu pangàndi nàmu ana hakudu wua ai matumbu lai nu,” wànanja. La rehi nu, kawunga rehi pàpu angguru-ya.
21Ka laku-danyaka hu dia nuda da tau hi da-kanuturu-ya na tana piti welingu la maràda telangu Njingu mbara luru lundu hanggangu la paraingu Rehupu, la lihina na ànda hanggangu la Hamàtu. 22La kawunga-na dalaku-ha la luruna nuna na tana hi datàka la paraingu Hemburungu, ngia pa-ngiangu-da da tau Ahimàngu, Hehai dàngu Tàlumai ana umbuku tau Enàku. Pihu mbua ndaungu pa-mangilu wàna ba turaya na paraingu Hemburungu welingu la paraingu Huangu la Mehiru. 23Hàla, tàka-danyaka la lolangu Ehikòlu.#Ehikòlu: Yiana na tamu la hilu Imbarani “haranggu wua angguru,” wàna. Lai nu da-kàtahu halulu wua angguru madira mbotuya, hi lupa tau madua ma-malinggi wànya ai. Da ngàndimbu wua njalima dàngu wua kapilitu ba nda pirada. 24Lolangu Ehikòlu wàdanya na pangia lai nu ba da-kàtahu-du lulu wua angguru lai nu da tau Ihirailu.
25Ba patu kambulu lodu-daka mandaina pa-kanuturu-ya nuna na tana, beli-danyaka nu da tau ma-kapilitu-ya 26hi da-patàka-nya i Muha, i Harungu dàngu mbuu ndàbana na banjaru Ihirailu na ma-pauhi la Kandihu la maràda telangu Paràngu. Da pekaha jàka nggàraha da pambàda itada hi da-paitangu-ha da wua ai pangàndi-da. 27Dapanii-nya i Muha, “Mbàda kanuturu-manyaka nuna na tana, tana wuluya dàngu ma-kamboka-ya, yiada-haka da ana hakudu wua angguru welingu lai nu. 28Na nyuna tau àtalu kapàru-ha da mangia-nya nuna na tana. Parai bokulu-ha da paraingu-da dàngu ningu tindingu kapingatu-da. Dàngumbu, maita-ha da tau da ana umbuku tau bokulu jangga lai nu. 29La luruna nuna na tana da-ngiangu da tau Amaliku; la ngaba ma-palindingu da-ngiangu da tau Heti, Yembuhu dàngu Amori; la lihi tehiku padua dàngu la hingi-naka na Luku Yorundangu da-ngiangu da tau Kanaàngu,” wàda.
30Na nyuna na-pamanda-nja paraïna i Kalipu da tau da mapeka ura dedi lai Muha, “Lupangu nàhu memangu-ma bàdi ba tahada-nya dàngu ka tawàhi-ya nuna na tana, nadu ba natoma-ma na kapingatu-nda la pa-pakàku-ya,” wàna.
31Na nyuna dapanii da tau da mambàda beli karia-nya i Kalipu, “Ndia-a, nda ta-duluku-a la pahada-nja nyuda. Darihi-pa pa-kapingatu da tau mangia-nya nuna na tana welingu lai nyuta,” wàda. 32Ka bobaru-danyaka lii makambàliku la honga tau Ihirailu rukuna na tana pambàda kapilitu-da. Dapanii nyuda, “Kanjupu pa-hanggàmaru wàngu-ya nuna na tana, jiapa da mangia-nya da hanggàmaru wàmbunya. Da tau paita-ma lai nu kanjupu jangga tauha. 33Jiapa maita-mbuha da tau da mahama milimungga-ha, nu da ana umbuku tau Enàku. Hama kabala-ma-akama ba makaka wikima, dàngu jiangu-ma ba tuna-numbu ba dakaka-kama nyuma,” wàda.
Trenutno odabrano:
DIHA 13: KAM
Istaknuto
Kopiraj
Usporedi
Podijeli
Želiš li svoje istaknute stihove spremiti na sve svoje uređaje? Prijavi se ili registriraj
@LAI 1995 Indonesian Bible Society (Lembaga Alkitab Indonesia)
DIHA 13
13
Da tau hakambulu madua da malua pa-kapilitu
(Bel. 1:19-33)
1I MIRI napanii-nya i Muha, 2“Welingu la nimbihu kabihu Ihirailu palewa-wa haàtu welingu la hongada da liku uruda ka dalua pa-kapilitu-ya na tana Kanaàngu na pawua-nggunya napa na banjaru Ihirailu,” wàna. 3-15Pa-namatu-nya na hupu liina i Ala palewa-nahaka nyuda i Muha welingu la maràda telangu Paràngu. Mbuu ndàbada da tau nuda liku uru-maha la honga tau Ihirailu:
| Kabihu | Liku Uru |
|---|---|
| Rumbingu | i Hamua anana i Hakuru |
| Hamiungu | i Hapàtu anana i Hori |
| Yahunda | i Kalipu anana i Yapuni |
| Ihakàru | i Yinggàlu anana i Yuhupu |
| Epuraïmu | i Hohia anana i Nungu |
| Mbanyamingu | i Pàluti anana i Rapu |
| Hembulungu | i Nggandialu anana i Hondi |
| Manahi | i Nggandi anana i Huhi |
| Ndàngu | i Amialu anana i Nggamali |
| Ahiaru | i Heturu anana i Mikayilu |
| Nàputali | i Nàhambi anana i Wòpuhi |
| Nggàtu | i Ngguilu anana i Maki. |
16Nudaha da ma-kapilitu da papalewa-na i Muha palua pa-kapilitu-ya nuna na tana. I Hohia anana i Nungu na-panjilu-nya na tamuna paraïna i Muha, Yuhua wànanya.
17Ba na-paràha-nja palaku paraïna i Muha, na kamahi-nja, “Hanàhu-miwa la diana la luruna na tana Kanaàngu, kai mangu pa-pangalangu la ngabana na ma-palindingu. 18Kanuturu-ya jàka nggiki hamana nu na tana, nadangu na mangia-nya hi ndia, da-kapingatu nyuda hi ndia. 19Kanuturu-ya jàka nahàmu nuna na tana jàka ndia, la ndeha ma-tanelaku-ha da mangia-nya jàka ndia hi la parai - paraingu maningu tindingu-ha. 20Pamàndu-nja da etimi hamata-ya jàka na-kamboka na tanana dàngu jàka nadangu pingi aina lai nu. Àmbi ma-rombangu pangàndi nàmu ana hakudu wua ai matumbu lai nu,” wànanja. La rehi nu, kawunga rehi pàpu angguru-ya.
21Ka laku-danyaka hu dia nuda da tau hi da-kanuturu-ya na tana piti welingu la maràda telangu Njingu mbara luru lundu hanggangu la paraingu Rehupu, la lihina na ànda hanggangu la Hamàtu. 22La kawunga-na dalaku-ha la luruna nuna na tana hi datàka la paraingu Hemburungu, ngia pa-ngiangu-da da tau Ahimàngu, Hehai dàngu Tàlumai ana umbuku tau Enàku. Pihu mbua ndaungu pa-mangilu wàna ba turaya na paraingu Hemburungu welingu la paraingu Huangu la Mehiru. 23Hàla, tàka-danyaka la lolangu Ehikòlu.#Ehikòlu: Yiana na tamu la hilu Imbarani “haranggu wua angguru,” wàna. Lai nu da-kàtahu halulu wua angguru madira mbotuya, hi lupa tau madua ma-malinggi wànya ai. Da ngàndimbu wua njalima dàngu wua kapilitu ba nda pirada. 24Lolangu Ehikòlu wàdanya na pangia lai nu ba da-kàtahu-du lulu wua angguru lai nu da tau Ihirailu.
25Ba patu kambulu lodu-daka mandaina pa-kanuturu-ya nuna na tana, beli-danyaka nu da tau ma-kapilitu-ya 26hi da-patàka-nya i Muha, i Harungu dàngu mbuu ndàbana na banjaru Ihirailu na ma-pauhi la Kandihu la maràda telangu Paràngu. Da pekaha jàka nggàraha da pambàda itada hi da-paitangu-ha da wua ai pangàndi-da. 27Dapanii-nya i Muha, “Mbàda kanuturu-manyaka nuna na tana, tana wuluya dàngu ma-kamboka-ya, yiada-haka da ana hakudu wua angguru welingu lai nu. 28Na nyuna tau àtalu kapàru-ha da mangia-nya nuna na tana. Parai bokulu-ha da paraingu-da dàngu ningu tindingu kapingatu-da. Dàngumbu, maita-ha da tau da ana umbuku tau bokulu jangga lai nu. 29La luruna nuna na tana da-ngiangu da tau Amaliku; la ngaba ma-palindingu da-ngiangu da tau Heti, Yembuhu dàngu Amori; la lihi tehiku padua dàngu la hingi-naka na Luku Yorundangu da-ngiangu da tau Kanaàngu,” wàda.
30Na nyuna na-pamanda-nja paraïna i Kalipu da tau da mapeka ura dedi lai Muha, “Lupangu nàhu memangu-ma bàdi ba tahada-nya dàngu ka tawàhi-ya nuna na tana, nadu ba natoma-ma na kapingatu-nda la pa-pakàku-ya,” wàna.
31Na nyuna dapanii da tau da mambàda beli karia-nya i Kalipu, “Ndia-a, nda ta-duluku-a la pahada-nja nyuda. Darihi-pa pa-kapingatu da tau mangia-nya nuna na tana welingu lai nyuta,” wàda. 32Ka bobaru-danyaka lii makambàliku la honga tau Ihirailu rukuna na tana pambàda kapilitu-da. Dapanii nyuda, “Kanjupu pa-hanggàmaru wàngu-ya nuna na tana, jiapa da mangia-nya da hanggàmaru wàmbunya. Da tau paita-ma lai nu kanjupu jangga tauha. 33Jiapa maita-mbuha da tau da mahama milimungga-ha, nu da ana umbuku tau Enàku. Hama kabala-ma-akama ba makaka wikima, dàngu jiangu-ma ba tuna-numbu ba dakaka-kama nyuma,” wàda.
Trenutno odabrano:
:
Istaknuto
Kopiraj
Usporedi
Podijeli
Želiš li svoje istaknute stihove spremiti na sve svoje uređaje? Prijavi se ili registriraj
@LAI 1995 Indonesian Bible Society (Lembaga Alkitab Indonesia)