PARATU 22
22
Na matua-da da hunggu maraku
1I MIRI na-paràha-nya i Muha 2pa-patàka-nya yiana na pareta lai Harungu dàngu da anana, “Wànyawa na ma-paràkangu jàka nggàraya na pahunggu maraku wàna na banjaru Ihirailu na pa-panuda-dangga Nyungga, ka àmbi pa-iraku-ya na tamunggu na ma-matua. Nyungga MIRI-ka. 3Jàka ningu haàtu welingu la wàlamu ba dàngu iraku-na na malihi-nja da maraku matua da pa-panuda-dangga Nyungga paraï banjaru Ihirailu, nda uku-apa nyuna pa-paloku la ngia pawotu maraku. Na kalaratu yiana pawàngu-maya lundu nu - nu. Nyungga MIRI-ka.
4Na haàtu na wàlana i Harungu na panggàna panyaki manula ma-pahanggamaru jàka ndia na mahidu nda hàmu hi lupa ningu ma-njanjàru, pa-hiringu-ya pangangu hunggu maraku matua jàka ndedi paloha-nya ba ili-nanyaka. Na haàtu ratu na-iraku wànya jàka na-jonggaru ngga - nggàra ma-iraku ruku nggànana mameti. Iraku-mbunanya jàka naluhu na wai barana, 5dàngu jàka na-jonggaru ma-iraku ka bandaya ka tauyakai. 6Na haàtu ratu na ma-iraku jiapa ka nggàra biaya na pa-iraku wàna, daingu iraku-na lundu tama lodu. Dàngu ba natama na lodu ndedi pekuna la panganja da pangangu pahunggu maraku-nya i MIRI jàka ndedi naihu. 7Ba natamaka na lodu, ili-nanyaka, peku-naka la panganja ba jia-maduha nuda da pangana. 8Nyuna pa-hiringu-ya pangangu tolu banda mameti wikina jàka ndia na pakaü mabohu. Jàka nangangu iraku-nanyaka. Nyungga MIRI-ka.
9Mbuu ndàbada da ratu lupangu danunju-maha bàdi da kalaratu pambàda wuanggu. Jàka ndia, njala-danyaka dàngu napa dameti, nadu ba mbàda pangga-danjaka nuda da kalaratu matua. Nyungga MIRI-ka, dàngu Nyungga-maka ma-pahinggilu-ha nyuda ndumanggu Nyungga.
10Da hunggu pa-panuda-ngga Nyungga da manganja mbulungu da kalembi ratua; tau hawiangu nda ukua, jiapa na tau nuna ka angu uma-nanya jàka ndia ka tau maràma la umana na ratu-yakai. 11Tàka da atana na ratu, da pakei wàngu àmahu wikina na ratu jàka ndia da madedi la umana na ratu, pekuna ka danganja da pangangu ndumana na ratu. 12Na anana kawini na haàtu ratu na ma-mangoma la haàtu manda ratu, nda ukua panganya nuna na hunggu maraku. 13Tàka na anana kawini na ratu na mambàda meti leina jàka ndia na pa-pahewangu dàngu nda ningu anana, dàngu na belika la uma amana tàka na lurina patanggu-na nyuna-maya, pekuna ka nanganja da pangangu ndumana na amana. Mbulungu ana kuru umana na ratua mauku pangangu welingu la hunggu maraku nuna.
14Jàka ningu haàtu na nda angu kuru umana na ratu, ba dàngu nda harawuku-na ba nanganya na pangangu pahunggu maraku-nya i MIRI lupangu-ma na-wuangu hiluna la ratu dàngu natunya bonjana dua kambulu la hangahu. 15Da ratu nda ukua pa-pairaku-ha da hunggu maraku pa-panuda-ngga Nyungga 16ba nawàngu pa-pahia-nya na haàtu na tau na manda ràkana la panganya. Na matuna nu panjala wànanya na tau nuna dàngu pa-hukungu wànguya. Nyungga MIRI-ka, dàngu Nyungga ma-pamatua-ya na hunggu maraku nuna,” wàna.
17I MIRI na-paràha-nya i Muha 18-19pawua-nya i Harungu, da anana dàngu nggubulu-na na banjaru Ihirailu da kalaratu yiada. Jàka ningu tau Ihirailu jàka ndia tau nàmu ma-ndàdiku la Ihirailu mangàndi hunggu maraku patunu ba na-palundu-nya na njanjina, jàka ndia nduma kameti maraku wàngu etina, nuna na banda lupangu-ma ka mini-nanya dàngu ka àmbu ningu nyurana, ka peku kataku-ha. 20Àmbi hunggu maraku wàngudu banda maningu nyurana, ba nda na-mbuhangu-a i MIRI pa-kataku-ya. 21Jàka ningu haàtu mahunggu maraku-nya i MIRI wàngu kameti maraku papeku la pa-palundu-nya na njanjina jàka ndia nduma kameti maraku wàngu eti wikina, àmbu ningudu nyurana nuna na banda ka pekuna la pa-kataku-ya. 22Àmbu hunggu maraku wànya i MIRI banda mapoki, mambata rina jàka ndia ma-manua, maningu manggàri ma-pawitungu, na panggàna panyaki manula jàka ndia mawutu rara. Da banda tungu nu àmbi hunggu maraku wàdunja nduma kameti maraku pangangu la pinu ngia pawotu maraku. 23Nduma kameti maraku wàngu eti wiki pekuna jàkai hunggu maraku wàngu banda na manda jiaya na hadana; tàka na nyuna nduma pa-palundungu wàngu njanji, banda matungu-nu nda pa-kataku-aya. 24Àmbi hunggu maraku wàdunya i MIRI banda pambàda hanggàpitu wua hàruna, pa-kàtahu, mambera ihi jàka ndia paàli wàrungu. Na matungu nu àmbu jia ningudu la tanami.
25Da banda da pa-ngalangu welingu la tau nàmu nda uku pahunggu maraku wànja nduma kameti maraku pangangu. Da banda tungu nu pareki-ha la maningu nyurangu, dàngu nda pa-kataku-aha.
26-27Ana hapi, ana mbimbi jàka ndia ana kamàmbi da mabidi dedi, lupangu-ma pihu mbua lodu kàdi ba da-kadeki inada. Hàlaka nu hinaka da banda nuda hi pekuna la pa-kataku-ha nduma hunggu maraku pangangu. 28Àmbu hunggu maraku wàngudu bai hapi, bai mbimbi, bai kamàmbi pa-pohungu anada la dalu hau lodu. 29Jàka wotu-minya kameti maraku pamalangungu lai MIRI, paloku-ya nuna pa-namatu-nya na kalaratu, ka peku kataku-ya na kameti maraku-mi. 30Nganya nuna na kameti maraku la lodu nunama, dàngu àmbu bilidu jiapa ana hawutu ndumana haromu.
31I MIRI napanii, “Tundu-manja da pareta-nggu; Nyungga MIRI-ka. 32Àmbi pambora-ya na tamunggu na ma-matua. Nggubulu-na na banjaru Ihirailu lupangu-ma dalumu-ngga Nyungga ba Mahupu Matua-ka. Nyungga MIRI-ka dàngu Nyungga ma-pamatua-kai nyimi. 33Nyungga mangàndi-kai paluhu welingu la Mehiru, kai Alangga Nyungga. Nyungga MIRI-ka,” wàna.
Trenutno odabrano:
PARATU 22: KAM
Istaknuto
Kopiraj
Usporedi
Podijeli
Želiš li svoje istaknute stihove spremiti na sve svoje uređaje? Prijavi se ili registriraj
@LAI 1995 Indonesian Bible Society (Lembaga Alkitab Indonesia)
PARATU 22
22
Na matua-da da hunggu maraku
1I MIRI na-paràha-nya i Muha 2pa-patàka-nya yiana na pareta lai Harungu dàngu da anana, “Wànyawa na ma-paràkangu jàka nggàraya na pahunggu maraku wàna na banjaru Ihirailu na pa-panuda-dangga Nyungga, ka àmbi pa-iraku-ya na tamunggu na ma-matua. Nyungga MIRI-ka. 3Jàka ningu haàtu welingu la wàlamu ba dàngu iraku-na na malihi-nja da maraku matua da pa-panuda-dangga Nyungga paraï banjaru Ihirailu, nda uku-apa nyuna pa-paloku la ngia pawotu maraku. Na kalaratu yiana pawàngu-maya lundu nu - nu. Nyungga MIRI-ka.
4Na haàtu na wàlana i Harungu na panggàna panyaki manula ma-pahanggamaru jàka ndia na mahidu nda hàmu hi lupa ningu ma-njanjàru, pa-hiringu-ya pangangu hunggu maraku matua jàka ndedi paloha-nya ba ili-nanyaka. Na haàtu ratu na-iraku wànya jàka na-jonggaru ngga - nggàra ma-iraku ruku nggànana mameti. Iraku-mbunanya jàka naluhu na wai barana, 5dàngu jàka na-jonggaru ma-iraku ka bandaya ka tauyakai. 6Na haàtu ratu na ma-iraku jiapa ka nggàra biaya na pa-iraku wàna, daingu iraku-na lundu tama lodu. Dàngu ba natama na lodu ndedi pekuna la panganja da pangangu pahunggu maraku-nya i MIRI jàka ndedi naihu. 7Ba natamaka na lodu, ili-nanyaka, peku-naka la panganja ba jia-maduha nuda da pangana. 8Nyuna pa-hiringu-ya pangangu tolu banda mameti wikina jàka ndia na pakaü mabohu. Jàka nangangu iraku-nanyaka. Nyungga MIRI-ka.
9Mbuu ndàbada da ratu lupangu danunju-maha bàdi da kalaratu pambàda wuanggu. Jàka ndia, njala-danyaka dàngu napa dameti, nadu ba mbàda pangga-danjaka nuda da kalaratu matua. Nyungga MIRI-ka, dàngu Nyungga-maka ma-pahinggilu-ha nyuda ndumanggu Nyungga.
10Da hunggu pa-panuda-ngga Nyungga da manganja mbulungu da kalembi ratua; tau hawiangu nda ukua, jiapa na tau nuna ka angu uma-nanya jàka ndia ka tau maràma la umana na ratu-yakai. 11Tàka da atana na ratu, da pakei wàngu àmahu wikina na ratu jàka ndia da madedi la umana na ratu, pekuna ka danganja da pangangu ndumana na ratu. 12Na anana kawini na haàtu ratu na ma-mangoma la haàtu manda ratu, nda ukua panganya nuna na hunggu maraku. 13Tàka na anana kawini na ratu na mambàda meti leina jàka ndia na pa-pahewangu dàngu nda ningu anana, dàngu na belika la uma amana tàka na lurina patanggu-na nyuna-maya, pekuna ka nanganja da pangangu ndumana na amana. Mbulungu ana kuru umana na ratua mauku pangangu welingu la hunggu maraku nuna.
14Jàka ningu haàtu na nda angu kuru umana na ratu, ba dàngu nda harawuku-na ba nanganya na pangangu pahunggu maraku-nya i MIRI lupangu-ma na-wuangu hiluna la ratu dàngu natunya bonjana dua kambulu la hangahu. 15Da ratu nda ukua pa-pairaku-ha da hunggu maraku pa-panuda-ngga Nyungga 16ba nawàngu pa-pahia-nya na haàtu na tau na manda ràkana la panganya. Na matuna nu panjala wànanya na tau nuna dàngu pa-hukungu wànguya. Nyungga MIRI-ka, dàngu Nyungga ma-pamatua-ya na hunggu maraku nuna,” wàna.
17I MIRI na-paràha-nya i Muha 18-19pawua-nya i Harungu, da anana dàngu nggubulu-na na banjaru Ihirailu da kalaratu yiada. Jàka ningu tau Ihirailu jàka ndia tau nàmu ma-ndàdiku la Ihirailu mangàndi hunggu maraku patunu ba na-palundu-nya na njanjina, jàka ndia nduma kameti maraku wàngu etina, nuna na banda lupangu-ma ka mini-nanya dàngu ka àmbu ningu nyurana, ka peku kataku-ha. 20Àmbi hunggu maraku wàngudu banda maningu nyurana, ba nda na-mbuhangu-a i MIRI pa-kataku-ya. 21Jàka ningu haàtu mahunggu maraku-nya i MIRI wàngu kameti maraku papeku la pa-palundu-nya na njanjina jàka ndia nduma kameti maraku wàngu eti wikina, àmbu ningudu nyurana nuna na banda ka pekuna la pa-kataku-ya. 22Àmbu hunggu maraku wànya i MIRI banda mapoki, mambata rina jàka ndia ma-manua, maningu manggàri ma-pawitungu, na panggàna panyaki manula jàka ndia mawutu rara. Da banda tungu nu àmbi hunggu maraku wàdunja nduma kameti maraku pangangu la pinu ngia pawotu maraku. 23Nduma kameti maraku wàngu eti wiki pekuna jàkai hunggu maraku wàngu banda na manda jiaya na hadana; tàka na nyuna nduma pa-palundungu wàngu njanji, banda matungu-nu nda pa-kataku-aya. 24Àmbi hunggu maraku wàdunya i MIRI banda pambàda hanggàpitu wua hàruna, pa-kàtahu, mambera ihi jàka ndia paàli wàrungu. Na matungu nu àmbu jia ningudu la tanami.
25Da banda da pa-ngalangu welingu la tau nàmu nda uku pahunggu maraku wànja nduma kameti maraku pangangu. Da banda tungu nu pareki-ha la maningu nyurangu, dàngu nda pa-kataku-aha.
26-27Ana hapi, ana mbimbi jàka ndia ana kamàmbi da mabidi dedi, lupangu-ma pihu mbua lodu kàdi ba da-kadeki inada. Hàlaka nu hinaka da banda nuda hi pekuna la pa-kataku-ha nduma hunggu maraku pangangu. 28Àmbu hunggu maraku wàngudu bai hapi, bai mbimbi, bai kamàmbi pa-pohungu anada la dalu hau lodu. 29Jàka wotu-minya kameti maraku pamalangungu lai MIRI, paloku-ya nuna pa-namatu-nya na kalaratu, ka peku kataku-ya na kameti maraku-mi. 30Nganya nuna na kameti maraku la lodu nunama, dàngu àmbu bilidu jiapa ana hawutu ndumana haromu.
31I MIRI napanii, “Tundu-manja da pareta-nggu; Nyungga MIRI-ka. 32Àmbi pambora-ya na tamunggu na ma-matua. Nggubulu-na na banjaru Ihirailu lupangu-ma dalumu-ngga Nyungga ba Mahupu Matua-ka. Nyungga MIRI-ka dàngu Nyungga ma-pamatua-kai nyimi. 33Nyungga mangàndi-kai paluhu welingu la Mehiru, kai Alangga Nyungga. Nyungga MIRI-ka,” wàna.
Trenutno odabrano:
:
Istaknuto
Kopiraj
Usporedi
Podijeli
Želiš li svoje istaknute stihove spremiti na sve svoje uređaje? Prijavi se ili registriraj
@LAI 1995 Indonesian Bible Society (Lembaga Alkitab Indonesia)