Забур 98
98
Аллагь пак Пачагь я
1 Реббиди пачагьвал ийизва.
Халкьар зурзаз хьуй,
къаравулвал ийизвай херупӀрин
ацукьнава кьилел Ам.
Зурзаз хьурай чил.
2Ребби чӀехи я Сигьандал,
вири халкьарилай вине я Ам.
3Абуру тарифрай
чӀехи ва кичӀ кутадай
пак ТӀварцӀин Ви.
4Пачагьдихъ къудрат ава, кӀанда адалат.
На тестикьна гьакъикъат,
дуванни гьахъ гана Якьубан халкьдиз.
5Чи Ребби, чи Аллагь хкажа,
икрама Адан КӀвачерин вилик,
пак я Ам.
6Адан хахамрин арада ава
Мусани Гьарун,
Адан тӀварцӀиз эверзавайбурун арада
Смаил ава.
Абуру Реббидиз эверна,
абуруз Ада хгана жаваб.
7Ам цифедин гулунай
абурув раханай;
хвена абуру шагьидвилер Аллагьдин,
Ада гайи къайдаяр абуруз.
8Вуна абуруз ганай жаваб,
я Ребби, Аллагь чи!
Абурун крарай
жаза гузвайди тиртӀани,
абур патал Вун
гъил къахчудай Аллагь тир.
9Хкажа, Ребби,
Аллагь чи,
Адан пак дагъдал
тарифа Адан,
куьз лагьайтӀа пак я Ребби,
Аллагь чи.
Trenutno odabrano:
Забур 98: ЛезПК
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© Институт перевода Библии, 2010-2024