Ляхнар 22
22
Павелин улхуб
1«Гъардшарна абйир, гьамус узу тахсиркар дарувалихъ хъебехъай». 2Павел чпихъди жугьуд чӀалниинди улхуради деебхьну, дурар хъанара яваш шулу. Гьадмуган дугъу кӀуру:
3– Узу Киликияйиъ айи Тарсдиъ бабкан гъахьи жугьуд вуза, хъа узу мушваъ, гьаму шагьриъ тербияламиш гъашир вуза. Йиз мялим Гамалиили узу ихь абйирин къанунар дишди уьрхрурси тербияламиш гъапӀну. Учву гъи фици вуш, узура гьаци кӀваантӀан Аллагьдин гъуллугъниин алди гъахьнийза. 4Агъайин рякъюъди гъягъюрайидар йихури, жилар ва дишагьлийир дисури, дустагъ апӀури гъахьнийза. 5Мидкан аьхюну маллйирихьан ва кавхйирин мажлисдихьан шагьидвал апӀуз шулу. Дамаскдиъ айи жугьуд дустариз вуйи кагъаз узухьна гьадрари тувунзухьна. Узура, душван хъугънайидар, рукьари йитӀну, Ерусалимдиз духну, жаза гьадабтӀуз, гьадина гъушунза. 6Хъа рякъюъ, Дамаскдиз багахь шулайиган, лисун шулайи арайиъ саб дупну завариан узу зурба вуйи аквну ккаунзу. 7Узу жилʼина алдакза, ва узуз гьамци кӀурайи дих гъеебхьзуз: «Эй Саул! Саул! Уву Узухъ гьаз хъергнава?» 8Узу гьерхза: «Уву фуж вува, Агъа?» Дугъу узуз жаваб туву: «Узу уву хъергнайи Назаретдиан вуйи Иса вуза». 9Узухъди хъайидариз акв гъябкънийи, хъа узухъди улхурайи дих дурари аннамиш гъапӀундайи. 10Гьадмуган узу гъапунза: «Узу гьапӀну ккунду, Агъа?» Агъайи узуз гъапунзуз: «Гъудужвну, Дамаскдиз гъарах, хъа душваъ, уву фу дапӀну ккундуш, пидивуз». 11Узуз фукӀа дярябкъди гъабшизуз, фицики зурба аквну кур гъапӀнийзу. Гьаддиз узухъди хъайидари, йиз хил дибисну, Дамаскдиз гъахнийзу.
12Ва магьа, Аллагь кӀваин али ва къанунариз мютӀюгълу, чакан вари жугьдар ужуди улхру Ананай кӀуру касди, 13узухьна дуфну, гъапизуз: «Саул гъардаш! Рябкъюри йихь!» Гьамци гъапибси, узуз думу гъяркъзуз. 14Хъа дугъу узуз гъапизузки: «Ихь абйирин Аллагьди Чан ният увуз аьгъю хьпан бадали, Гьякьлур рякъбан бадали ва Дугъан мелзналан дих ебхьбан бадали уву кадагъна. 15Уву вари инсанарин улихь увуз гъябкъюбдинна гъеебхьубдин шагьид хьидива. 16Гьаци вуйиган, уву фтиз ккилигурава? Гъудужвну, штуан йихь, Агъа Исайихъ хъугъувалиинди яв гунгьарихьан марцц йихь».
17Узу Ерусалимдиз хътакиган, Аллагьдин хулаъ ккарагурайи вахтна, узуз аьжайибди саб гъябкъзуз. 18Узуз гьамци кӀурайи Иса гъяркъзуз: «Тяди Ерусалимдиан гъарах, фицики дурари Йиз гьякьнаан вуйи яв шагьидвал кьабул апӀидар». 19Узу Дугъаз гъапиза: «Я Агъа, дурариз, узу фици Увухъ хъугърайи адмийир дустагъ апӀури, урччвури гъахьнуш, аьгъя. 20Яв шагьид Стефандин ифи удубзруганра, думу ляхниин рази духьну, дугъаз йивурайидарин палтар уьрхюри, гъаравлиъ гъахьунза». 21Гьадмуган Агъайи узуз гъапи: «Гъарах, Узу уву ярхлариз, жугьуд дарударихьна гьаъразаву».
Павел – Римдин ватандаш
22Гьамусдиз дурар Павелихъ хъпехъури айи, хъа му гафар гъеерхьиган, чӀигъар апӀуз хъюгъру:
– Думу йивну йикӀай! Думу дюнʼяйиин яшамиш хьуз лайикь дар!
23Дурари, чӀигъар апӀури, чпин палтар хътитури, завуз бишируг гатӀабхьуйи. Гьамци дурари чпин хъял улупуйи. 24Кьушмарин аьхюри Павел, эскрарин йишваз духну, дугъкан дицдар чӀигъар гьаз апӀураш, аьгъю апӀбан бадали, гъирмажи урччвуз буйругъ тувру. 25Хъа Павел урччвбан бадали йитӀурайиган, дугъу гьадушвахь хьайи юзбашийихьан гьерхру:
– Суд дарапӀди, Римдин ватандаш урччвуз ихтияр анчвуз?
26Му гафар гъеерхьиган, юзбашийи, кьушмарин аьхюрихьна душну, кӀуру: «Уву гьапӀрава? Му кас Римдин ватандаш ву!»
27Кьушмарин аьхюри, Павелихьна дуфну, гьерхру:
– Йипа, уву дугъридан Римдин ватандаш вуна?
– Ав, – пну, жаваб туву Павели.
28Кьушмарин аьхюри гьадмуган:
– Узу гьаму ватандашʼвал аьхю пуларихъ гъадабгъунза, – гъапи.
Хъа Павели кӀуруки:
– Хъа узу гьадму ватандаш вуди бабкан гъахьунза.
29Павелихьан силис гъадабгъуз ккайидар дугъхьан дишлади гьудучӀву. Чав Римдин ватандаш зунжрари йитӀувал аьгъю гъабшиган, кьушмарин аьхюризра гучӀ гъабхьнийи.
Павел аьхю суддин улихь
30Хъайигъан кьушмарин аьхюри, жугьдари Павелик фу тахсир кипраш, якьинди аьгъю апӀбан бадали, аьхюну маллйиризна вари аьхю суддиз уч хьуз буйругъ тувру. Павелилан зунжрар алдагъну, думу дурарин улихь дерккру.
Trenutno odabrano:
Ляхнар 22: ТабГК
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© Институт перевода Библии, 2010, 2013, 2016, 2018, 2023
Ляхнар 22
22
Павелин улхуб
1«Гъардшарна абйир, гьамус узу тахсиркар дарувалихъ хъебехъай». 2Павел чпихъди жугьуд чӀалниинди улхуради деебхьну, дурар хъанара яваш шулу. Гьадмуган дугъу кӀуру:
3– Узу Киликияйиъ айи Тарсдиъ бабкан гъахьи жугьуд вуза, хъа узу мушваъ, гьаму шагьриъ тербияламиш гъашир вуза. Йиз мялим Гамалиили узу ихь абйирин къанунар дишди уьрхрурси тербияламиш гъапӀну. Учву гъи фици вуш, узура гьаци кӀваантӀан Аллагьдин гъуллугъниин алди гъахьнийза. 4Агъайин рякъюъди гъягъюрайидар йихури, жилар ва дишагьлийир дисури, дустагъ апӀури гъахьнийза. 5Мидкан аьхюну маллйирихьан ва кавхйирин мажлисдихьан шагьидвал апӀуз шулу. Дамаскдиъ айи жугьуд дустариз вуйи кагъаз узухьна гьадрари тувунзухьна. Узура, душван хъугънайидар, рукьари йитӀну, Ерусалимдиз духну, жаза гьадабтӀуз, гьадина гъушунза. 6Хъа рякъюъ, Дамаскдиз багахь шулайиган, лисун шулайи арайиъ саб дупну завариан узу зурба вуйи аквну ккаунзу. 7Узу жилʼина алдакза, ва узуз гьамци кӀурайи дих гъеебхьзуз: «Эй Саул! Саул! Уву Узухъ гьаз хъергнава?» 8Узу гьерхза: «Уву фуж вува, Агъа?» Дугъу узуз жаваб туву: «Узу уву хъергнайи Назаретдиан вуйи Иса вуза». 9Узухъди хъайидариз акв гъябкънийи, хъа узухъди улхурайи дих дурари аннамиш гъапӀундайи. 10Гьадмуган узу гъапунза: «Узу гьапӀну ккунду, Агъа?» Агъайи узуз гъапунзуз: «Гъудужвну, Дамаскдиз гъарах, хъа душваъ, уву фу дапӀну ккундуш, пидивуз». 11Узуз фукӀа дярябкъди гъабшизуз, фицики зурба аквну кур гъапӀнийзу. Гьаддиз узухъди хъайидари, йиз хил дибисну, Дамаскдиз гъахнийзу.
12Ва магьа, Аллагь кӀваин али ва къанунариз мютӀюгълу, чакан вари жугьдар ужуди улхру Ананай кӀуру касди, 13узухьна дуфну, гъапизуз: «Саул гъардаш! Рябкъюри йихь!» Гьамци гъапибси, узуз думу гъяркъзуз. 14Хъа дугъу узуз гъапизузки: «Ихь абйирин Аллагьди Чан ният увуз аьгъю хьпан бадали, Гьякьлур рякъбан бадали ва Дугъан мелзналан дих ебхьбан бадали уву кадагъна. 15Уву вари инсанарин улихь увуз гъябкъюбдинна гъеебхьубдин шагьид хьидива. 16Гьаци вуйиган, уву фтиз ккилигурава? Гъудужвну, штуан йихь, Агъа Исайихъ хъугъувалиинди яв гунгьарихьан марцц йихь».
17Узу Ерусалимдиз хътакиган, Аллагьдин хулаъ ккарагурайи вахтна, узуз аьжайибди саб гъябкъзуз. 18Узуз гьамци кӀурайи Иса гъяркъзуз: «Тяди Ерусалимдиан гъарах, фицики дурари Йиз гьякьнаан вуйи яв шагьидвал кьабул апӀидар». 19Узу Дугъаз гъапиза: «Я Агъа, дурариз, узу фици Увухъ хъугърайи адмийир дустагъ апӀури, урччвури гъахьнуш, аьгъя. 20Яв шагьид Стефандин ифи удубзруганра, думу ляхниин рази духьну, дугъаз йивурайидарин палтар уьрхюри, гъаравлиъ гъахьунза». 21Гьадмуган Агъайи узуз гъапи: «Гъарах, Узу уву ярхлариз, жугьуд дарударихьна гьаъразаву».
Павел – Римдин ватандаш
22Гьамусдиз дурар Павелихъ хъпехъури айи, хъа му гафар гъеерхьиган, чӀигъар апӀуз хъюгъру:
– Думу йивну йикӀай! Думу дюнʼяйиин яшамиш хьуз лайикь дар!
23Дурари, чӀигъар апӀури, чпин палтар хътитури, завуз бишируг гатӀабхьуйи. Гьамци дурари чпин хъял улупуйи. 24Кьушмарин аьхюри Павел, эскрарин йишваз духну, дугъкан дицдар чӀигъар гьаз апӀураш, аьгъю апӀбан бадали, гъирмажи урччвуз буйругъ тувру. 25Хъа Павел урччвбан бадали йитӀурайиган, дугъу гьадушвахь хьайи юзбашийихьан гьерхру:
– Суд дарапӀди, Римдин ватандаш урччвуз ихтияр анчвуз?
26Му гафар гъеерхьиган, юзбашийи, кьушмарин аьхюрихьна душну, кӀуру: «Уву гьапӀрава? Му кас Римдин ватандаш ву!»
27Кьушмарин аьхюри, Павелихьна дуфну, гьерхру:
– Йипа, уву дугъридан Римдин ватандаш вуна?
– Ав, – пну, жаваб туву Павели.
28Кьушмарин аьхюри гьадмуган:
– Узу гьаму ватандашʼвал аьхю пуларихъ гъадабгъунза, – гъапи.
Хъа Павели кӀуруки:
– Хъа узу гьадму ватандаш вуди бабкан гъахьунза.
29Павелихьан силис гъадабгъуз ккайидар дугъхьан дишлади гьудучӀву. Чав Римдин ватандаш зунжрари йитӀувал аьгъю гъабшиган, кьушмарин аьхюризра гучӀ гъабхьнийи.
Павел аьхю суддин улихь
30Хъайигъан кьушмарин аьхюри, жугьдари Павелик фу тахсир кипраш, якьинди аьгъю апӀбан бадали, аьхюну маллйиризна вари аьхю суддиз уч хьуз буйругъ тувру. Павелилан зунжрар алдагъну, думу дурарин улихь дерккру.
Trenutno odabrano:
:
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© Институт перевода Библии, 2010, 2013, 2016, 2018, 2023