Salmos 126
126
Achikmau ainau waketkiarmauri
1Achikmau ainautin Yus:
Ataksha Jerusalénnum
waketkitaram tusa,
angkanmamtikiamu asar iisha karanma nunisrik pujusmiaji.
2Tura asar wararkur wishirmiaji.
Tura wararkur kantamamiaji.
Turakrin Yusen umirchau ainau nuna wainkar chichainak:
“Ni Yusri niin nekas pengker awajsayi”, tiarmiayi.
3Nu tina nunaka nekasar tiarmiayi.
Ii Apuringkia nekas iin pengker awajtamsamiaji.
Tura asamtai iisha warasmiaji.
4Apuru yumi atsamunam ataksha yumi jitamtai,
entsa wej wajainawa nunismek iincha ataksha pengker awajkartusta.
5Aints ni arakri jumchik asamtai,
juutkamaikiak araamramia nunaka ukunam nerekamtai waras juuktinuitai.
6Ni arakrin araamratas jumchik asamtai juutkamaikiak ni jeenian jiinkiat,
nuniangka nukap juuku asa,
waras kantan kantamki ni jeen waketkitnuitai.
Trenutno odabrano:
Salmos 126: acu
Istaknuto
Kopiraj
Usporedi
Podijeli
Želiš li svoje istaknute stihove spremiti na sve svoje uređaje? Prijavi se ili registriraj
© 2019, Wycliffe Bible Translators, Inc. All rights reserved.