مزامیر ۲۴

۲۴

پیله پادشا

داوودٚ مزمور

۱ زیمین و تومامٚ چیزأنی کی اونٚ میأن نهَه،

خوداوندٚ شینه.

دونیا و هر کی اونٚ دورون زندگی کونه.

۲ چره کی خودا اونٚ پاکارأنَ دریایأنٚ رو قایم چأکوده،

و اونَ آبأنٚ سر بپا بوکوده.

۳ کی ایسه کی خوداوندٚ کوه جور بأیه؟

کیسه کی اونٚ موقدّسٚ جاجیگاه سر بِئسه؟

۴ او کسی کی اونٚ دس و دیل پاک ببه

کی باطیلٚ چیزأنَ اومیدوار نیبه

و قسمٚ دورُغ نوخوره.

۵ اون خو برکتَ خوداوندٚ جأ فیگیره

و عیدالتَ، جٚه خودایی کی اونَ نجات دهه.

۶ اَطویی ایسیدی مردومأنی کی خودا دونبأل گردیدی

کی تی دونبأل گردیدی تا تی رویَ بیدینید، اَی یعقوبٚ خودا. سِلاه

۷ اَی دروازه‌یأن، شیمی سرَ راستَ کونید!

اَی قدیمی درأن، شیمی پا سر بِئسید

کی شاهٚ جلال بودورون بأیه!

۸ اَ شاهٚ جلال کی ایسه؟

خوداوندٚ قوی و دیلاور،

خوداوندی کی جنگٚ دورون دیلاوره!

۹ اَی دروازه‌یأن، شیمی سرَ راستَ کونید!

اَی قدیمی درأن، شیمی پا سر بِئسید کی شاهٚ جلال بأیه بودورون!

۱۰ اَ پادشا جلال کی ایسه؟

لشکرأنٚ خوداوند،

اون، شاهٚ جلاله! سِلاه.

Trenutno odabrano:

مزامیر ۲۴: گیلکی (رشتی)

Istaknuto

Podijeli

Kopiraj

Želiš li svoje istaknute stihove spremiti na sve svoje uređaje? Prijavi se ili registriraj

Saznajte više o کیتاب مقدّس به گیلکی (رشتی)